Ҳизб ут-Таҳрир аъзоси Судан ҳарбий кенгаши мажлисида Халифалик давлатини тиклашга чақирди
Бу воқеа Суданда биринчи марта юз берди. Ҳизб ут-Таҳрир Судан вилояти Марказий алоқа ҳайъатининг раҳбари доктор Носир Ризо ҳозирда Судан ҳукуматини қўлга олган ҳарбий кенгаш аъзоларини Рошид Халифалик давлатини барпо қилишга очиқ даъват қилди. Унинг даъвати кенгаш мажлисида шундай янгради:
– Ассалому алайкум ва роҳматуллоҳи ва барокатуҳ. Барчангизга маълум, бу йиғилиш, пешволар, уламолар, даъватчилар ва ўлкада бошқарувни кўлга олган кишилар, яъни ҳарбий кенгаш аъзолари ўртасидаги учрашувдир. Аввало шуни айтиб ўтмоқчиманки, Ҳокимият масъулиятдир, агар бугун ҳукм юритаётган бўлсанг, эртага бундай бўлмаслиги мумкин. Росулуллоҳ соллоллоҳу алайҳи васаллам “У (бошқарув) омонатдир. У қиёмат кунида шармандалик ва надоматдир. Магарам бошқарувнинг ҳаққига риоя қилган ва унинг ҳаққини адо этган киши бундан мустасно”. Аллоҳ Таоло сизга хитоб қилиб айтади:
(وَمَنْ لَمْ يَحْكُمْ بِمَا أَنزَلَ اللَّهُ فَأُوْلَئِكَ هُمْ الْكَافِرُونَ و(……الظَّالِمُونَ) و(……الْفَاسِقُونَ
- Кимда-ким Аллоҳ нозил қилган дин билан ҳукм қилмас экан, бас, улар кофирлардир. (……..золимлардир). (………фосиқлардир).
Шунинг учун айтмоқчиманки, Аллоҳ Таоло бизга, яъни биз фуқароларга ва сиз ҳокимларга қарата айтади:
فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا
- Йўқ, Парвардигорингизга қасамки, то улар ўз ўрталарида чиққан келишмовчиликларда сизни ҳакам қилмагунларича ва кейин сиз чиқарган ҳукмдан дилларида ҳеч қандай танглик топмай, тўла таслим бўлмагунларича-бўйинсунмагунларича зинҳор мўмин бўла олмайдилар.
Шундай экан, биз ҳам, сиз ҳам Аллоҳнинг ҳукмларига таслим бўлишимиз лозимдир. Бу масъулият бўлиб, ҳар бир мусулмон эркак ва аёл бунга бўйсуниши вожибдир. Росулуллоҳ соллоллоҳу алайҳи васаллам шундай дедилар: “Сизлардан узоқ яшаган киши жуда кўп ихтилофларга гувоҳ бўлади. (Ана шу пайтда) Менинг йўлимни ва тўғри йўлдаги рошид халифаларнинг йўлини маҳкам тутинг”.
Эй азиз биродарлар! Асосий масала ҳарбий мажлисда ҳам, фуқаролик ҳукуматида ҳам ҳукм юритиш масаласи эмас, балки Аллоҳга бандалик қилишимиз ва инсонларни Аллоҳга бандалик қилишларини таъминлаш масаласидир. Бу эса, фақат Аллоҳнинг Шариатини қоим қилиш ва Аллоҳнинг ҳукмларини ижро қилиш ҳамда Аллоҳнинг шариатини ҳоким қилиш билан бўлади. Бир сўз билан айтганда асосий масала шудир.
Сиз иқтидор эгасисиз, сиз куч-қувват эгасисиз, шариат тарафидан сизга юкланган вазифа Ансорий саҳбалар каби (Аллоҳ улардан рози бўлсин) ботил тузумни таг-туби билан қўпориб ташлашдир, сизнинг вазифангиз пайғамбарлик минҳожи асосидаги Рошид Халифалик давлатида Аллоҳнинг дини ва шариатини қоим қиладиган Халифага Байъат қилишдир. Сизнинг асосий вазифангиз мана шудир.
Азиз биродарлар! Бу мурожаат фақат туйғуга қаратилган хитоб эмас, бу ерда гап Росулуллоҳ соллоллоҳу алайҳи валалламнинг манҳажлари ҳақида кетмоқда. У зот “мендан кейин пайғамбар бўлмайди, балки халифалар бўлади ва улар кўп бўлади”, дея, Ўзларидан кейинги ишни Халифаларга боғлади. Бу ерда асосий масала пайғамбарлик минҳожи асосидаги Рошид Халифалик давлатини тиклашимиздир. Бошқарувни асло ва асло дунёвий-фуқаролик ҳукуматига топширманг. Аксинча, уни Аллоҳнинг Шариати билан ҳукм қилиш учун ҳалифага байъат қиладиган Умматга топширинг. Бўйнингиздаги вожиб иш ва унинг далиллари мана шудир. ИншаАллоҳ мана шунда ҳар бир ўлдирилган жон ва оқизилган қон учун адолат қилинган бўлади. Иккинчи масала тортиб олинган ҳақ-ҳуқуқларни ва талон-тарож қилинган молларни қайтаришдир. Бу иккинчи талабимиз. Учинчи талабимиз шуки, ўлка аҳолисининг келажаги бўлган Уммат бойликлари “ажнабий инвестиция”ларга сотиб юборилди. Буни дарҳол тўхтатинг.
Сизга ҳам, ўзимга ҳам шуни тавсия қиламанки, ҳар бир ишни Аллоҳнинг розилиги учун қилайлик. Исломий ўлкаларнинг бошига келган балоларнинг барчаси кофирларга дўст бўлган кишиларга бошқарувни топшириш натижасида келди. Биз ҳозирда ҳам Американинг буйруғига қаттиқ амал қилаётганлар борлигини кўриб турибмиз, ушбу ҳукумат ва мажлис аҳли билан биринчи учрашганлар америкалик ва европалик элчилар бўлиб. Огоҳ бўлинг. Аллоҳ Таоло айтади:
يَاأَيُّهَا الَّذِينَ آمَنُوا لَا تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِمْ بِالْمَوَدَّةِ
- Эй мўминлар, Менинг душманим ва сизларнинг душманларингиз (бўлган мушриклар)ни дўст тутманглар!
Бизнинг ўлкамизга келган ёмонликлар кофирлар сабабли келди, кофирлар билан дўст бўлишдан жуда эҳтиёт бўлинг”.
Жазакумуллоҳу хайрон.
