Покистон полицияси Ҳизб ут-Таҳрир аъзоларидан бирини ўғирлаб кетди
Покистон полицияси Пешоварда Халифаликни барпо қилиш учун фаолият олиб борувчилардан бири бўлмиш Умар Жодунхонни Ҳизбнинг матбуот баёнотини тарқатаётган пайт ўғирлаб кетди. Матбуот баёнотида Америка билан Толибон ҳаракати ўртасида ўтказилаётган музокараларга Покистон режимининг ёрдам бераётгани қораланган эди. Маълумки, бу музокаралар Американинг регионда узоқ муддат давомида қолишини таъминлаш учун ўтказилмоқда. Жодунхон Пешоварнинг олий маҳкамасида адвокат бўлиб ишлайди. У таниқли Жодун оиласидан ҳисобланади. Унинг ўғирлаб кетилиши Покистон бош вазири Имрон Хон Покистон жиноят кодексини, яъни мажбуран ўғирлаб кетиш жиноят, дея кўрсатилган қонунни ўзгартириш тўғрисида киритилган таклифни тасдиқлаганидан бир кун ўтиб содир бўлди.
Бундан ташқари, Бажва-Имрон режими хавфсизлик хизмати ходимларига минтақада мустамлакачиларнинг ҳукмронлигига қарши туришга даъват қилаётган шахсларни ўғирлаб кетишга ҳам рухсат бермоқда. Бу билан у Американинг Покистондаги янги малайига айланиб, асосий иши Ислом учун ҳаракат қилаётганларни тақиб қилиш бўлиб қолди. У Америка элчисини ва унинг малайларини мамлакатда бемалол изғиб юришларига қўйиб берди. Улар ҳарбий ва сиёсий етакчиликдаги истаган кишилари билан боғланишмоқда. Бу нарса Покистоннинг бузғунчи ҳукмдорлари Трампнинг Исломга қарши урушида у билан ҳамкорликни давом эттиришаётганларини англатади. Шунинг учун Покистондаги мусулмонлар Халифаликни барпо қилиш учун холис фаолият қилаётган Ҳизб аъзоларининг озод этилишини талаб қилиб, улар билан биргаликда ҳаракат қилмоқлари вожибдир. Зеро, фақат Халифалик давлатигина ушбу золим режимлар даврига якун ясайди.
Роя газетасининг 2019 йил 6 феврал чоршанба кунги 220-сонидан
