Клинцевич: АҚШ Афғонистондан Ўрта Осиё давлатларининг сиёсий ишларига аралашиши учун фойдаланади
Федерация кенгаши мудофаа қўмитаси аъзоси Франц Клинцевичнинг фикрича, АҚШ Ўрта Осиё мамлакатларининг сиёсий ишларига фаол аралашиш учун Афғонистонга кўп урғу бермоқда, бунинг боиси – Россияга босим ўтказишдан иборат. Бу ҳақида РИА “Новости” хабар қилмоқда.
Илгарироқ ОАВлар АҚШ Афғонистонда фақат махсус гуруҳни қолдириб, қолган ҳарбий контингентни икки марта қисқартиришни режалаштираётгани ҳақида хабар берган эди.
“АҚШ Афғонистондан Ўрта Осиё мамлакатлари ички ишларига аралашишни бошлаш учун майдон сифатида фойдаланишади, бу кампаниядан кўзланган мақсади – Россияга бўлган босимни давом эттириш”, – деган Клинцевич.
Клинцевичнинг сўзларига кўра, “Толибон” ҳаракатини назорат қилиш ва “ИШИД” уюшмасини ривожлантириш учун америкаликларга қолган контингент етарли ҳисобланади.
“Кейинчалик ушбу террористик уюшманинг имкониятлари ва ресурслари Ўрта Осиё давлатларидаги ҳолатни беқарорлаштириш ва у ерларда тўқ сариқ инқилобларни юзага келиши учун замин яратишда фойдаланилади”, – деб қайд этди Франц Клинцевич.
Клинцевич шунингдек, АҚШ қаерга кириб борган бўлса, у ердан ҳеч қачон чиқмаслигига эътибор қаратди.
“АҚШ бундан олдин ҳам бир неча маротаба Афғонистон ҳудудидан ўз мақсадлари йўлида фойдаланишга ҳаракат қилган, аммо Совет Иттифоқи уларнинг барча режаларини пучга чиқарган эди”, – деди у.
