بسم الله الرحمن الرحيم
ХИТОЙ БАЛОСИДАН ҚУТИЛИШНИНГ ЧОРАСИ БОРМИ
Уммат ўз етакчисини йўқотгандан бери боши балодан чиқмай қолди. Бу балодан нафақат бизлар, балки Умматнинг ҳар бир бўлаги жабрланиб келаётгани хеч кимга сир эмас. Ҳатто мусулмонларнинг зулмланиши табиий ҳолдек бўлиб қолди. Бунга мисол келтиришга ҳожат йўқ. Сомали, Чеченистон, Бирма, Сурия, Яман ёки Шарқий Туркистон(Уйғуристон)даги бўлаётган зулмларни оқловчи бирорта сабаб йўқ.
Совет иттифоқи қуламасдан аввал бу каби зулмлар Ўрта Осиё халқларига нисбатан ўта махфий қилинар, ҳар қанча зулм қилишса ҳам ошкора қилинмас эди. Совет иттифоқи парчалангандан кейин бу каби зулмлар “мустақиллик” пардаси ортида ошкор бўлмасликка ҳаракат қилинди. Энди Ўрта Осиё халқларини ошкора қуллик даври, яъни ошкора жабр-зулм қилишга ўтиш даври кириб келаётгани ҳаммага кўриниб қолди. Шу ўринда савол туғилади; бу балолардан, хоссатан Хитой балосидан қутилишнинг чораси борми?
Бу саволга халқ дардида юрган ватандошларимиз ҳар ҳил фикрлар билдиришмоқда. Баъзилар хитой(хансу)ларни юртдан кувиб чиқариш керак, кўринган жойда мол-мулкини талон-тарож қилиш ва уй-жойларига ўт қўйиш керак… каби туйғулардан келиб чиққан фикрларни олға суришмоқда. мустамлакачиларнинг мақсади ҳам айнан мана шудир, чунки Хитой бизни куч билан босиб олишга айнан шу каби баҳона, сабабларни кутишмоқда. Ўз фуқароларини ҳимоя қилиш баҳонасида бизга ошкора таҳдид қилишга, эвазига конларга бой ерларимиздан тавон тўлашдан бошқа чора қолдирмасликка ҳаракат қиладилар. Туйғу асосидаги бу каби фикрлар фақат куфр фойдасига бўлади ва ундан куфр яхшигина фойдаланиб олишни мақсад қилади.
Россия каби ўзга юртларда бола-чақа боқиш мақсадида юрган юртдошларимизни ортга, яъни ўз юртларига қайтиш билан ҳам – ҳатто улар миллионлаган бўлсалар-да – хеч нарса ўзгармайди. Хозирги кунда Хитойнинг бизга кириб келишига, биздаги элнинг саноғи камлиги сабаб бўлаётган йўқ. Бизни қўрқитаётган хафв фақат Қирғизистон учун хос эмас. Бу бало Тожигистонга ҳам, Қозоғистон ва Ўзбекистонга ҳам тегишли бўлиши мумкин. Хитойни “кўпчилик” тўхтатиб қўя олмайди.
БМТ каби ҳарқаро ташкилотлардан асло умид йўқ. Чунки улар фақат асосчиларининг фойдаси учун ишлайди. Бунга биз ҳар куни гувоҳ бўлмоқдамиз. Улар хоссатан АҚШ ёки Европа ва Россия каби давлатларнинг манфаати учунгина ишга тушиши мумкин. Гап мусулмонлар тўғрисида кетганда кўзлари қўр, қулоқлари кар бўлиб қолади. Қанчадан-қанча бегуноҳ инсонларнинг ёстиғини қуритган, ҳатто ёшлару-гудаклар, аёлларга ҳам бўлаётган ваҳшийликларга кўз юмган БМТдан нажот кутамизми?!
Ёки Инсон ҳуқуқлари умумжаҳон декларациясидаги;
“1-модда: Ҳамма одамлар ўз қадр-қиммати ҳамда ҳуқуқларида эркин ва тенг бўлиб туғиладилар. Уларга ақл ва виждон ато қилинган, бинобарин бир-бирларига нисбатан биродарлик руҳида муносабатда бўлишлари керак.
2-модда
Ҳар бир инсон ирқи, танасининг ранги, жинси, тили, дини, сиёсий ёки бошқа
эътиқодларидан, миллий ёки ижтимоий келиб чиқиши, мол-мулки, табақаси ёки бошқа
ҳолатидан қатъий назар ушбу декларацияда эълон қилинган барча ҳуқуқ ва барча
эркинликка эга бўлиши зарур. Бундан ташқари, инсон мансуб бўлган мамлакат ёки
ҳудуднинг сиёсий, ҳуқуқий ёки халқаро мақомидан, ушбу ҳудуд мустақилми,
васийми, ўз-ўзини идора қиладими ёки бошқача тарзда чекланганлигидан қатъи
назар бирор бир айирмачилик бўлмаслиги керак.
3-модда
Ҳар бир инсон яшаш, эркин бўлиш ва шахсий дахлсизлик ҳуқуқларига эгадир.
4-модда
Ҳеч ким қулликда ёки эрксиз ҳолатда сақланиши мумкин эмас; қуллик ва қул
савдосининг барча кўринишлари тақиқланади.
5-модда
Ҳеч ким қийноққа ёки шафқатсиз, ғайриинсоний ёки қадр-қимматни хўрловчи муомала
ва жазога дучор этилмаслиги керак.
6-модда
Ҳар бир инсон қаерда бўлишидан қатъи назар, ўзининг ҳуқуқ субъекти сифатида тан
олинишига ҳақли.…” каби моддалар ҳам мусулмонлар учун
ишламайди. Дунёда бўлиб ўтган қанчадан-қанча ноҳақликларга гувоҳ бўлган инсон улардан умид
қилиши аҳмоқликдан ўзга нарса эмас.
Ёки ҳокимиятдан нажот кутайликми?! Хитой балосидан қутилиш чораларини ўшалардан умид қилиш ўринлими?! Ахир Қирғизистонни қарзга ботириб, танг аҳволга олиб келган айнан ўшалар эмасми?! Уларда ўз юртиларини куфр чангалидан қутқаришга ва янги балоларидан сақлаб қолишга онглари ҳам, имкониятлари ҳам етарли деб ўйлайсизми? Улар курфга малайлик қилиб, нафақат эл-юрт учун ҳаракат қилганларни, балки бегуноҳ инсонларни, ҳатто аёлларни ҳам қамоқларда сақлаётган хоинлардир. Бири кетиб, бошқаси келяпти-ю, лекин мусулмонларга зулм ўша-ўша, ўзгармаяпти. Аслида бизга “соя солиб турган” бу система куфрнинг программасидан ўзга нарса эмас. Ҳар қанча ҳаққоний, халқпарвар инсон ҳукумат тепасига келмасин, ҳолат ўзгармайди. Икки дунё хорлиги асло бизни тарк қилмайди. Ёки сизда бундан бошқа асосли бирор фикр борми?
Бизнингча, Ислом оламидаги миллатлар ўзларига қайтишлари керак, яъни бир Уммат ҳолига қайтишларидан ўзга чора йўқ. Агар Уммат битта ҳукумат асосида бирлашсалар улардаги хозирги армияни сони 10 милиондан, … ортиб кетади. Уммат раҳбари Халифа Умматни куфр чангалидан озод қилиш учун мурожаат қилган заҳоти 100 миллионлаган армияни хозирлаш мумкин. Мужоҳидларни бирлаштирадиган бир раҳбари бўлмаган ва саноғи юз мингларга етмаган бир неча мусулмон гуруҳлар “муаммоси”ни АҚШ ёки НАТОнинг ўзи билангина ҳал қилолмай, Россия, Туркия ва Эронни ҳам ишга солганини бир тасаввур қилсангиз, Уммат армияси – малайлар қўлида эмас, ҳолис раҳбарият қўлида бўлса – нафақат Хитой балки, бутун куфр оламининг жабр-зулмларини дарҳол тўхтата олади. Ҳатто армияни ишга солишга ҳам ҳожат қолмайди. Чунки улар аслида жуда қўрқоқ халқлар бўлиб ўзларига ҳатарни сезган заҳоти дарҳол ўзларига келишади. Ҳозирги кунда мусулмонларнинг армиялари ўз малайларининг қўлида бўлгани ва бундан хотиржам бўлганлари боис хадларидан ошишяти холос.
Абу Зар.
