Путин замонавий қурол яроқлари билан мақтанди
Россия президенти Владимир Путин Россиянинг янги қуроллари давлат армияси ва денгиз кучларининг салоҳиятини сезиларли даражада ошириб, кучлар мувозанати ва глобал барқарорликка ҳисса қўшишини билдирди. Путиннинг бу сўзлари Россия мудофаа вазирлигининг йиғилишида янгради. Путинга кўра, бу ҳолат милитаристларни (ҳар бир масалани ҳарбий йўл билан ҳал қилиш тарафдорларини) ўйлантириб қўяди.
“Армиянинг янги қуроллари келгуси 10 йил учун Россияниинг хавфсизлигини хатосиз ва аниқ ҳолда таъминлайди. Кучлар мувозанатини, яъни дунёда барқарорликни оширади. Янги тизимларимиз, умид қиламанки, милитаристлар ва агрессив сўзлар ишлатадиган кишиларни ўйлашга мабур қилади”, деди Путин.
Путин Россиянинг мудофаа қобилиятлари ва ҳавфсизлигини кучайтириш ҳамда уни ташқи таҳдидлардан ҳимоя қилиш асосий вазифалардан бири эканлигини қайд этар экан, бунинг аҳамиятини мамлакат сиёсатчилари, ҳукумат амалдорлари, жамоатчилик ва барча фуқаролар яхши тушунишлигини таъкидлади.
“Глобал тенгликни таъминлашда муҳим роль ўйнаган бизнинг ядро гуруҳимиз сезиларли даражада мустаҳкамланди”, деди у.
Россия ядровий арсеналдаги янги қурол нисбатининг 80 фоизига эришганлигига урғу берган Путин янги қитъалараро баллистик ракета “Сармат”нинг синовлари ҳам муваффақиятли ўтганлигини маълум қилди.
“Дунёда ўхшаши бўлмаган янги қуролларни ишлаб чиқишда жиддий ва янги қадамлар ташланди. Авангард ракета комплекси қатор-қатор ишлаб чиқарила бошланди. Смартлар муваффақиятли синовдан ўтказилди”, деди Россия президенти.
Путин шунингдек Кинжал гипертононли ракета тизимларини синов мақсадида ишлатила бошанганини ва Пересвет лазерли тизимлари ҳам синовдан ўтказилганлигини ҳам таъкидлаб ўтди. Унинг таъкидлашича, Россия армияси келажакда ракета мудофаа тизимини уддасидан чиқадиган авангард каби замонавий қуроллар билан жиҳозланган бўлиши керак ҳамда мавжуд хавф-хатарга мувофиқ армияни ҳам ривожлантириш зарурдир.
