Жээнбеков: Биз Ўзбекистон билан биродарлик муносабатларимизни қадрлаймиз
Расмий ташриф билан Қирғизистон пойтахти Бишкекка келган Ўзбекистон олий мажлис қонунчилик палатасининг спикери Нурдинжон Исмоиловни Қирғизистон Президенти Сооронбай Жээнбеков қабул қилди. Қабул пайтида нутқ сўзлаган Жээнбеков икки қўшни давлат, яъни Қирғизистон ва Ўзбекистон ўртасидаги биродарлик муносабатларини юқори баҳолашини билдирди.
“Ўзбекистон билан биродарлик муносабатларимизни қадрлаймиз. Қирғиз-Ўзбек муносабатлари ва яхши қўшничилик муносабатлари жадал суратда ривожланишда давом этмоқда. Узбекистон президенти Шавкат Мирзиёевнинг сиёсий иродаси ва амалий қадамлари туфайли Қирғизистон ва Ўзбекистон ўртасидаги ҳамкорлик янги ва юқори даражага етди. Мен расмий ташриф билан Тошкентга борганимда икки томонлама муносабатлардаги барча масалалар ҳал қилинди”, деди Қирғизистон президенти.
Жээнбеков икки мамлакат ўртасида сўнгги йилларда юзага келган муҳим алоқаларга тўхталар экан, Ўзбекистон ва Қирғизистон ўртасидаги ижобий муносабатлар кундан кунга кучайиб бораётганлигини алоҳида таъкидлаб ўтди.
Ўзбекистон олий мажлис қонунчилик палатасининг спикери Исмоилов ҳам ўзига кўрсатилган самимий меҳмондўстликдан мамнун эканлигини изҳор қилиб, 16 ноябрь куни 60 ёшга тўлган президент Жээнбековни туғулган куни билан табриклади.
