Пекин: Москва билан ҳарбий ҳамкорлигимизга ҳеч кимнинг аралашишига йўл қўймаймиз
Хитой Ташқи ишлар вазирининг ўринбосари Гонг Хуан Ю ҳарбий соҳада Хитой ва Россия ўртасидаги ҳамкорлик тўлиқ қонуний эканини маълум қилди. Унинг сўзларига кўра, АҚШнинг санкцияларига қарамай, Хитой уни жадал суратда кучайтиришни давом эттираверади ва Пекин Москва билан ҳарбий ҳамкорлик қилганлиги баҳонасида унга қарши қўлланган санкцияларни қатъиян рад этади.
“Россия ва Хитой ўртасидаги ҳамкорлик ҳуқуқий ва тамоман холисдир ҳамда Россия ва Хитой манфаатларига мос келади, Минтақада барқарорлик ва тинчликни таъминлашда ижобий роль ўйнайди. Ҳеч кимнинг бу ҳамкорликка аралашишига йўл қўймаймиз”, деди Хуан Ю матбуот анжуманида.
“Шунинг учун мен бу ерда таъкидлаб ўтмоқчиманки, Россия ва Хитой ўртасидаги ҳарбий ва тижорий соҳада ҳамкорлик ҳамда мудофаа соҳасидаги ҳамкорлик аввалгидек давом этаверади. Ҳар икки томон ўз ҳаракати билан шуғулланиши учун зарурий механизмларни олади”, деб қўшимча қили у.
Ўз навбатида АҚШ президентининг миллий хавфсизлик бўйича маслаҳатчиси Жон Болтон ҳозирги асрда Хитой Америка учун асосий муаммо эканини билдирди. Болтоннинг айтишича, Пекин АҚШ ҳарбий хизматчиларининг ҳаётига таҳдид солмоқда, Вашингтон эса буни қабул қила олмайди.