АҚШ президенти Германияни энергия соҳасида Россияга «қарам» бўлиб қолишдан огоҳлантирди
АҚШ президенти Доналд Трамп Бирлашган Миллатлар Ташкилоти Бош Ассамблеясининг 73 сессиясида сўзлаган нутқида немис ҳукуматини Россияга «қарам» бўлиб қолишдан огоҳлантирди. Трампнинг таъкидлашича агар немис ҳукумати мамлакат ёндашувини ўзгартирмас экан, Россиянинг энергетика ресурсларига тўлиқ қарам бўлиб қолади.
«Германия ўз ёндашувини зудлик билан ўзгартирмайдиган бўлса, Россияга тўлиқ қарам давлатга айланиб қолади», деди АҚШ президенти.
“Энергия ресурслари учун фақат битта етказиб берувчи давлатга суяниб қолган давлат товламачилик ва қўрқитиш қурбонига айланади. Ўзларининг энергияга бўлган эҳтиёжини қоплаш учун Болтиқ қувурига чақираётган Европа давлатларини, шу жумладан Полшани ҳам огоҳлантиришимизнинг сабаби мана шудир”, дея қўшимча қилди Трамп.
Трамп нутқи давомида Германиянинг «Шимолий оқим 2» лойиҳасига ёпишиб олганлигини қайта-қайта танқид қилди. «Шимолий оқим 2» лойиҳаси рус табиий газини Европага узатиш бўйича тузилган лойиҳадир.