Болтон Афғон урушида «ёлланма жангчилар»дан фойдаланишни маслаҳат берди
Оқ уйнинг миллий хавфсизлик бўйича маслаҳатчиси Жон Болтон Афғонистондаги урушда ҳарбий «ёлланма жангчилар»дан фойдаланишни маслаҳат берди.
“Бу ҳақида ҳар доим мунозаралар жуда кўп бўлган ва мен доимо янги ғояларга очиқман. Лекин охир-оқибат масала президентга ҳавола қилинади”, деди Болтон.
Жон Болтоннинг таклифи АҚШнинг “ABC News” телеканали орқали эфирга узатилди. Ушбу каналда АҚШ Президенти идораси масъулларининг баёнотлари тақдим этилади. Канал террорчи ташкилот саналмиш “Блэкуотер” асосчиси Эрик Принснинг таклифига АҚШ президенти Доналд Трамп эътибор қаратганлигига ишора қилди. Принснинг таклифи Афғонистонда урушни қўллаб-қувватлаш учун махсус ҳарбий компанияларга тобе ҳарбий «ёлланма жангчилар»ни ёллашдан иборатдир.
Принснинг фикри биринчи марта 2017 йилда Трампнинг Афғонистондаги АҚШ қўшинларини олиб чиқиш ғоясидан воз кечиб, янги стратегиясини эълон қилишидан сал олдин юзага келган эди. «NBC News» каналига кўра, Трампнинг Афғонистондаги янги стратегияси эълонидан бир йил ўтиб, жиддий тарзда Принснинг таклифига юзланган.
2017 йил 22 август куни Трамп АҚШнинг Афғонистондаги сиёсати АҚШнинг ҳарбий етакчилик ваколатларини кенгайтирилишини ва хавфсизлик шароити яхшилангунга қадар Вашингтоннинг ҳарбий миссия давом этишини эълон қилган эди.
