Трамп: АҚШ Бутунжаҳон савдо ташкилотидан чиқиши мумкин
Дональд Трамп агар Бутунжаҳон Савдо Ташкилотида ижобий томонга ўзгариш юз бермаса, АҚШ уни тарк этиши мумкинлигини билдирди.
“Агар улар ўз ишини яхшиламаса, мен БСТдан чиқаман”, – деб таъкидлаган президент Блумбергга берган интервьюсида. Бу ҳақида РИА “Новости” хабар қилди.
Трамп шунингдек, БСТ узоқ йиллар давомида Қўшма Штатларга жуда ёмон муносабатда бўлаётганини қўшимча қилган.
Axios порталида июл ойи бошида эълон қилиган маълумотга кўра, АҚШ маъмурияти Бутунжаҳон савдо ташкилоти талабларини инкор қилиш имконини берадиган қонунчилик лойиҳасини киритишни режалаштирмоқда. Агар ҳужжат қабул қилинса, президент конгресс маъқуллашига муҳтож бўлмаган ҳолда, бир томонлама тартибда импорт товарларга бож киритиш ҳуқуқини қўлга киритади.
Шунингдек, янги норма БСТнинг асосий тамойилларини инкор этиш ҳуқуқини беради. Қонунчилик органидаги манбанинг айтишича, ушбу ҳужжатнинг қабул қилиниши мамлакатнинг ташкилот аъзолигидан чиқиши билан баробардир.
Трамп ушбу хабар эълон қилинганидан кейин уч ҳафта ўтиб, Еврокомиссия раҳбари Жан-Клод Юнкер билан учрашди.
Музокаралар якунида президент Трамп АҚШ ва ЕИ БСТ ислоҳоти устида биргаликда иш бошлашларини ваъда қилди.
Бундан ташқари, Трамп Қўшма Штатлар ва Европа Иттифоқи савдодаги “виждонсиз ҳаракатларга” қарши кураш олиб боришлари ҳақида баёнот берди.
Улар бундай ҳаракатларнинг кенг рўйхатини мисол тарзида келтириб ўтишган. Яъни Вашингтон Хитой ҳисобига ёзаётган – давлат компаниялари томонидан юзага келтирилган ҳамда савдо молларининг босиб қўйилиши оқибатида рўй берган: технологияларнинг мажбурий трансфери, ақлий хусусий мулк ўғирлиги, саноат субсидиялари ва бозор фактларининг бузиб кўрсатилиши каби ҳолатлардир.
Аммо Трамп Хитой номини очиқ тилга олмаган.
