Гутеррес: Бюджетимиз тугаб бормоқда
БМТ Бош котиби Антонио Гутеррес БМТга аъзо давлатлар ва БМТнинг ходимларига йўллаган мактубида БМТнинг бюджети тугаб бораётганини билдириб, ташкилот юз тутган бюджет тақчиллиги муаммосига эътибор қаратди.
Гутеррес БМТ бюджетининг 139 миллиард долларлик камомади борасида ўз ташвишини изҳор қилар экан, “Йилнинг бу пайтида бюджетимиз ҳеч қачон бунчалик паст кўрсатгичда бўлмаган эди, умумий вазият бизни ўта ташвишлантирмоқда. Пулимиз тугаб боряпти”, дея огоҳлантирди.
Сарф-харажатларни камайтириш билан чора-тадбирлар кўришини маълум қилган Гутеррес “БМТ каби бир ташкилот бюджет тақчиллигини бошдан кечириши мумкин эмас. Бундан ҳам ёмонроғи, ёрдамга муҳтож бўлганларнинг чақириғига жавоб бермаслигимиздир”, дея алоҳида таъкидлади.
БМТ Бош Котибининг сўзчиси Стефан Дужаррик эса мавзуга доир журналистларга берган баёнотида БМТга аъзо 193 мамлакатдан фақат 112 нафари Ташкилотга йиллик тўловларни амалга оширганлигини билдирди.
“БМТнинг ичида мавжуд бўлган молиявий муаммолар унга аъзо давлатларнинг тўловларни кеч амалга ошириши ёки ҳануз тўламаганлигидан келиб чиқмоқда”, деди Дужарриc.
БМТга тўлов тўламаган мамлакатлар ўртасида ташкилотга энг катта молиявий ёрдам кўрсатиб келган АҚШ ҳам бор. Бирлашган Миллатлар Ташкилотининг 5,4 миллиард долларлик умумий бюджетининг 22 фоизини Қўшма Штатлар таъминлайди.
БМТнинг маъмурий ва бюджет масалаларида ислоҳ ўтказиш зарурлигини тез-тез тилга олган ва “бюджетга адолат” қилишни такрорлаб келаётган Трамп ҳукумати 2018-2019 молиявий йилда БМТнинг бюджетга ўтказиладиган қисмдан 285 миллион доллар камайтириш ҳақида қарор қабул қилган.
