Шайх Солиҳ Ал-Фавзан: Ҳукмдорларни ҳақорат қилган киши хавориждир, у ҳақида ҳукуматни хабардор қилинг
Саудия Валиаҳди Муҳаммад бин Салмон кутилмаганда “Буюк уламолар кенгаши”нинг аъзоси Солиҳ Фавзаннинг Ар-Риёз шаҳридаги уйига ташриф буюрди. Фаоллар Шахзода бин Салмоннинг зиёрати ҳақидаги видео лавҳани ижтимоий тармоқ сайтлари орқали тарқатиб юборишди.
Мазкур видео лавҳада Шахзода ибн Салмон шайх Фавзанга “Эй шайх, Аллоҳга ҳамду санолар бўлсин, соғ-саломат экансиз. Худо хоҳласа, яна ҳам яхши бўласиз”, “Вазирлар кенгаши мажлисини тугатиб, Жиддага боришдан олдин сизнинг зиёратингизга келдик”, деган муомаласини кўриш мумкин.
Шунингдек видео тасвирга кўра, шаҳзода бин Салмонга зиёрати учун миннатдорчилик билдирган Шайх Фавзан уни ва унинг ҳамроҳларини уйга таклиф қилади. Аммо Шайх Фавзондан аввал уйга киришдан бош тортган шахзода Шайхга “Сиз менинг отамсиз эй Шайх” дея мулозамат кўрсатади.
Шахзоданинг зиёратидан руҳланган Шайх Фавзон орадан бир неча соат ўтгандан сўнг, хос мажлисларда ҳокимият табақадагиларни ва олимларни ҳақорат қилиш хаворижлик эканлигига ва ундай кимсалар ҳақида дарҳол ҳукуматга хабар қилиш зарурлиги ҳақида фатво чиқарди. Ҳокимларни ҳақорат қилган кишининг шаръий ҳукми ҳақида сўралганда Шайх Фавзон “Бундай ҳолатга гувоҳ бўлган киши дарҳол уни қайтарсин, агар у қабул қилмаса, у ҳақида ҳукуматни хабардор қилсин. Чунки хавориждир”, дея жавоб берди.
Зиёрат ортидан фаоллар Шайх Фавзаннинг “хусусий мажлисларида ҳукмдорларни ҳақорат қилган кишилар хаворижлардир”, деган ва бундайлардан ҳукуматни хабардор қилишга чақирган аудио фатвосини тарқатишди.
Хабарда айтилишича, Муҳаммад ибн Салмоннинг Шайх Фавзанни зиёрат қилиши ва унга юксак эҳтиром кўрсатиши мақсадсиз бўлган эмас. Таҳлилчиларга кўра, бу зиёрат Шайх Фавзандан ибн Салмоннинг ҳукуматда қолишини қўллаб қувватлаш ва халқдан унга итоат қилишни талаб қилиш учун амалга оширилган. Ёки бу зиёрат унинг худди шу мазмундаги фатволари, хусусан аёллар ҳақидаги фатволарига ташаккур билдириш учун амалга оширилган.
