Туркманлар иш излаб Озарбойжонга боришмоқда
Озарбойжонга тегишли haqqin.az сайтининг хабар беришича, Туркманистондаги иқтисодий ҳолатнинг тубанлашгани боис валюталар курси кӯтарилиб кетган. Ишсизликдан азият чекккан аҳолининг кӯп қисми тирикчилик пайида иш излаб Озарбойжонга боришмоқда. Бакунинг денгиз вокзалида қӯшни фуқаролардан иборат меҳнат муҳожирлари сони тобора кӯпаймоқда.
Ахборот ангентликлари тарқатган хабарларга кӯра, туркманлар ӯзлари билан олиб келган тилла буюмларни сотиб ӯрнига Озарбойжондан озиқ-овқат маҳсулоти сотиб олишмоқда.
«Шу кунларда Халқаро божхона бошқармаси томонидан Боку денгиз бандаргоҳида катта миқдордаги олтин буюмларнинг мамлакатга ноқонуний олиб киритилиш ҳолати аниқланди ва бу мол-мулклар мусодара қилинди. Тилла баюмларни мамлакат ичкарисига Туркманистон фуқаролари олиб киришга урунишган. 3 нафар туркман фуқароларидан 993 грамм вазнда декларациядан ӯтмаган тилла жиҳозлар олинди. Текширув ишлари бошланди»- дея хабар беради haqqin.az.
Нашрга кӯра, Туркманистондан Озарбойжонга иш излаб келган аёллар сони ҳам кундан кунга кӯпаймоқда. Уларнинг энг кӯп қисми асосан фоҳишалик билан шуғулланишади. Озарбойжон Мамлакат миграция хизмати қошидаги умумхалқ кенгаши раҳбари Азер Аллахверанов, туркман фуқароларининг Озарбойжонга келишлари тӯғрисида фикр билдириб шундай дейди:
«Охирги бир неча йил мобайнида туркман муҳожирлари тӯлқини бир неча маротабага кӯпайди. Бу ҳолатга Туркманистондаги иқтисодий вазиятнинг ночорлиги сабаб бӯлмоқда. Туркманистонликлар бизнинг мамлакатга олтин буюмларини олиб келиб, сотишади ва қӯлга киритган даромадларига озиқ-овқат маҳсулоти ва валюта сотиб олишади. Натижада бизнинг мамлакатга фақат оддий ишбилармонларгина эмас, балки каззоблар ҳам келиб жамиятимизга салбий таъсир ӯтказишмоқда».
Қайд этиш жоизки, шу кунга қадар Туркманистон фуқаролари асосан Туркия ва Россия давлатларига иш излаб борардилар, энди қӯшни Озарбойжон ҳам туркманларнинг умид масканига айланиб бормоқда.