Путин: Украина воқеалари вақтида АҚШ Россияни сурбетларча алдади
АҚШ Украинадаги инқилоблар олдидан АҚШ Россияни “қўпол ва сурбетларча” алдади, деб баёнот берди Россия президенти Владимир Путин. Бу ҳақида Sputnik нашри хабар бермоқда.
“Америкалик ҳамкорларимиз бизга мурожаат қилиб, мен ҳозир сизларга уларнинг илтимосини сўзма-сўз келтираяпман, Янукович армияни ишга солмай туриши учун биздан ёрдам сўрашди, токи бу оппозиция майдонлар, маъмурий биноларни бўшатиб, ҳолатни нормаллаштириш борасида эришилган келишувларни бажаришга киришиши учун керак эди. Улар бу борада бор имкониятимизни ишга солишимизни илтимос қилди”,- деди Путин “Жаҳондаги тартиб 2018” фильмида журналист Владимир Соловьевга берган интервьюсида.
Путиннинг сўзларига кўра, Россия рози бўлган, бир кундан кейин эса Украинада давлат тўнтариши юз берган.
“Ҳеч бўлмаса телефон қилишмайдими, ҳеч бўлмаса нимадир қилишмайдими, бир сўз айтишса ҳам майлига эди. Ҳеч бўлмаса айтишмайдими – биласизми, ижрочи эксцесси деган тушунча бор, биз буни хоҳламагандик, лекин воқеалар шундай (ривож топди), лекин биз ҳаммасини ўз жойига қайтариш учун бор ҳаракатимизни қиламиз. Бир сўз ҳам айтишгани йўқ, аксинча, давлат тўнтаришини амалга оширганларни тўлиқ қўллаб-қувватлаш бўлди,- деди Путин.
Россия президенти Америка бу тўнтаришни деярли ўз қўллари билан содир этганини таъкидлаб, у шунинг учун бугунги кунда ҳозирги киев ҳукуматини қўллаб-қувватлашга мажбурлигини қўшимча қилди.
Путин бу воқеа америкалик ҳамкорлар томонидан йўл қўйилган биринчи жиддий ёлғон бўлганини айтди. “Шундай қўпол ва сурбетларча, биринчи марта. Келинг бундай қиламиз, дея ҳақиқатда ҳаммасини бошқача қилиш ҳолати, ва бу борада ҳатто нимадир деб изоҳ бермаслик, бунақаси ҳали бўлмаган”,- қўшимча қилди Путин.
