Москва Вашингтонни Россия президентлиги сайловига аралашишдан огоҳлантирди!
Россия ташқи ишлар вазирлиги Вашингтонни март ойида режалаштирилган Россиянинг президентлик сайловига ҳар қандай тарзда мунофиқона аралашишдан огоҳлантирди. Бу ҳақида Россиянинг Вашингтондаги элчихонасига оид сайтда эълон қилинди. Эълонда айтилишича, АҚШнинг Россияга қаратилган айбловлари сиёсий характерга эгадир.
“Россия ўтказилиши кутилаётган президентлик сайловига аралашиш мақсадида АҚШ расмийлари томонидан Москвага қаратилган айбловлар ёлғон ва сиёсий айбловлардир. АҚШнинг Россия сайловларига шубҳа билан қарашининг ҳам ҳеч қандай қиймати йўқ”, дейилади сайтда эълон қилинган баёнотда.
Шунингдек, Россия Ташқи ишлар вазирлиги Вашингтоннинг “Россия фуқаролигига эга бўлган ҳар қандай шахсга сайловда ўз номзодини қўйиш учун имконият бериш” талабини Россиянинг ички ишларига аралашиш деб эътибор қилишини маълум қилди.
“Умид қиламизки, АҚШ ҳукумати ўз ҳудудида яшовчи Россия фуқароларининг овоз беришига тўсқинлик қилмайди ва уларнинг сайлаш ҳуқуқини поймол қилмайди”, дея қўшимча қилди вазирлик.
Шуни таъкидлаш лозимки, Россия сайлов комиссияси мухолифатчи Алексей Навалний номзодини рад этганлиги учун Вошингтон Москвани инсон ҳуқуқлари поймол қилиш ва эркинликларини чеклашда айблаган эди.