Путин: Атамбаев ваъдасида туради ва уни амалга ошириш учун охиригача боради
Россия президенти Владимир Путин қирғизистонлик журналист Сиягул Караманга интервью берди ва унда Қозоғистон ва Россия ўртасидаги дўстона муносабатлар, Қирғизистонни порлоқ келажак кутаётгани ҳақида сўзлади.
“Агар биз қирғиз халқининг истеъдоди ва меҳнатсеварлиги ва қирғиз ерининг имкониятлари, маъданли захираларини ҳисобга олсак, Қирғизистонда қизиқ ва порлоқ келажак бор”,- деган Путин интервьюда.
Унинг айтишича, Қирғизистон ва Россияни умумий тарих, маданият боғлаб туради.
“Бироқ бу бизни бирлаштирадиган ягона нарсалар эмас. Кўплаб қардош, шахсий, дўстона алоқалар мавжуд. Қирғизистондан қишлоқ хўжалиги маҳсулотлари, мевалар, сабзавотлар импорти 2,3 маротаба ошган”,- деган Путин.
Интервьюнинг катта қисми президент Алмазбек Атамбаевга бағишланди.
“Қирғизистон президенти ёрқин, ҳис-туйғуларга бой одам. У бир сўзли инсондир. У билан баъзида нимадир ҳақида келишиш қийин кечади, бироқ агар келишилса, у келишувни бажариш учун охиригача боради. Мен ҳам шундай қилишга ҳаракат қиламан. Балки унинг қилаётган ишлари ҳаммага ҳам ёқмас. Бироқ ҳамма унга жуда жиддий одамдек муносабатда бўлади. Унинг сўзи иши билан айро эмаслиги сабабли шундайдир. Ўйлайманки, Қирғизистон бундан фақат ютади, давлатга жиддий ҳамкор сифатида қаралади”,- деб айтган Путин.
Туркистон:
Путин Қирғизистонда бу сафар давлат тўнтариш ясамай, президент алмаштирмоқчи! Чунки барча президенликка талабгорлар унинг таъсири остида. Муаммо Атамбаевнинг ўзини сақлаб қолиш устида боряпти. Қизиғи, унинг ўзини илгариги сафдошлари бўлган Қирғиз элитаси ва Қирғиз халқининг бир бўлак аламзада халқи ва мухолиф сиёсатчилардан сақлаб қолмоқчи эканида!
Лекин Атамбаевни ҳақиқатда Путин сақлаб қола олади. Қирғизистонда президентга талабгорлар ичида саҳнада фақат Бабанов ва СДПК партияси туртаётган Жиянбеков қолди. Қолганлари уларнинг атрофига бирлашиб боряпти. Демак сиёсий аренада бошқа жиддий қувват ва муаммо йўқ. Ҳар икки талабгор ҳам Россиянинг фатвосини кутиб туришибди. Шунинг учун фақат Путин янги президентдан Атамбаев учун дахлсизлик шарти ва бирлашув тантемини қуриб бера олади!
