Россия хавфсизлик кенгашининг котиби Қирғизистонга келди
Қирғизистон махсус хизматлари халқни турли хил террорчилик актлари билан ваҳимага солиб турган бир вақтда Россия хавфсизлик кенгашининг котиби Николай Патрушев ишчи ташриф билан Қирғизистонга келди. Алмазбек Атамбаев 23 август куни Николай Патрушевни қабул қилган.
Президент матбуот хизматининг хабар қилишича, учрашувда ҳарбий-техникавий ҳамкорлик соҳасида муносабатларни ривожлантириш, терроризм ва экстремизмга қарши ҳамкорликда курашиш масалалари муҳокама қилинган.
Шунингдек учрашувда, минтақавий ва халқаро хавфсизликка доир долзарб масалалар бўйича фикр алмашилган.
Хабар қилинишича, Патрушев Бишкекка икки мамлакатнинг ваколатли органлари ўртасида режалаштирилган ишчи консультацияларда иштирок этиш учун келган.
Туркистон:
Николай Патрушев 1999 йил ФСБ (Федерал хавфсизлик хизмати) директори бўлиб турган вақтида юзлаган рус фуқороларини портлатиб юборишда асосий рол ўйнагани ва бевосита иштирокчиларнинг етакчиси бўлгани ҳеч кимга сир эмас. ФСБнинг ходимлари, ҳатто кўп қаватли бинолар остига портлатгичлар жойлаштираётган вақтда бир неча маротаба қўлга олиниб, уларнинг жинояти далиллар ва очиқ фактлар билан исботланган. Шунга қарамай, ФСБ директори Патрушев Путиннинг авторитар режимининг ҳомийлиги ва қўллови остида ҳеч нарсага эътибор бермай яна қўпорув амалиётларини давом эттириб келмоқда. Бир неча юзлаган тинч фуқоролар ҳалок бўлди!
Патрушев Қирғизистонга ҳам худди 1999 йилдаги Россия лоиҳасининг нусхасини олиб келди! Бу ғаламис шахс келиши билан Қирғизистонда нотинчлик бошланди. “Sputnik” ахборот агентлиги орқали 20 август куни “Цум” савдо марказида портлатув мосламаси бор деган сохта гумон билан атайин ваҳима тарқатилиб, ўраб олинди. “Азаттык”нинг хабарига кўра, 22 августда Қорасув районининг Наримон қишлоғида ўзи билан портловчи мослама олиб юрган бир одам қўлга олинган эмиш. “vesti.kg” 24 август куни милициянинг “Перехват” лоиҳасини ишга солди. Бу сафар бир одам милицияни очиқ портлатиб юбориш билан таҳдид қилган эмиш. “24.kg” Бишкекда милиция ходимлари 5 микрорайонни ўраб олганлиги ҳақида хабар тарқатди. Сабаби, кечки пайтда милиция тарафидан тўхтатилиб ҳужжатлари текширилаётган бир машина, текширув ниҳоясига етмай қочиб кетган эмиш.
Юқоридаги ваҳималар Патрушев олиб келаётган ифлос лоиҳанинг бошланиши эмасми!? Улар ваҳима қилаётган жиноятлар аслида кундалик жиноятлар статистикасидир. Лекин, расмий сайтлар воситасида бўрттириб кўрсатилаётган бу ваҳималар маълумот ҳужумининг бошланиши бўлиб, халқни йирикроқ қўпорув амалиётларга таёрлов тактикаси ҳисобланади. Демак Россия Патрушев ва ФСБ ходимларининг яширин аралашуви ва ҳамкорлиги воситасида жуда ифлос услублар билан Қирғизистон сиёсатини сақлаб қолмоқчи бўляпти.
АҚШнинг Афгонистондаги ҳарбий аралашувининг жонланиб бораётгани ҳам Рус мустамлакачиларини янги стротегик ҳаракатларга ундай бошлади. Яъни, Марказий Осиёга нисбатан халқаро сиёсат оламининг муносабатлари ўзгариб боряпти. Россия бу лоиҳадан четда тура олмайди. Шунинг учун Қирғизистон халқаро сиёсатнинг ўзгаришидаги Марказий Осиёнинг энг қулай стротегик позицияси ва ҳаракат майдони бўлиши кутилмоқда.
Демак биз Қирғиз фуқоролари, огоҳ бўлишимиз керак! Куфрнинг стротегияси ўта қалтис ва кескин вазиятларни юзага келтириши мумкин. Улар ўзларининг манфаатлари учун биз томонларни ҳарбий кураш майдонига айлантиришмоқчи бўлишяпти! Патрушевнинг келиши уларнинг айнан шундай мақсадларига далолат қилади! Улар лоиҳалаштираётган мудҳиш амалиётлар фақат исломий жамоалар ва мусулмон шахслар номидан амалга оширилади. Демак биз мусулмонлар уларни маълумот курашларидан огоҳ бўлишимиз, уларнинг ёлғон маълумотларини инкор қилишимиз, ўзимиз ҳам Ислом чегарасида маҳкам туриб, иймоний муҳит билан бир бутун вужуд бўлишимиз вожибдир. Чунки исломий муҳитимизни покиза ушлаб туриш билангина куфрнинг мақсадларига йўл бермаймиз инша Оллоҳ!