Тожикистон терроризмга (Исломга) қарши Россиядан умидвор
Тожикистон ҳукумати Афғонистонда кучайиб бораётган Толибонга қарши тожик қўшинларига ҳарбий таълим беришига кўз тиккан рус армиясини “ўзининг энг катта қўллаб қувватловчиси” деб билади. Бундан ташқари, терроризмга (Исломга) қарши кураш борасидаги қарори қатъийлигини таъкидлаган тожик масъулларига кўра, Сурияда мужоҳидлар сафида жанг қилиб, сўнг ўз ватанига қайтишга отланган шахсларни аниқлаш ва уларни ушлаб беришда ҳам Россиянинг ўрни каттадир.
“Россия билан бизнинг ўртамизда терроризмга (Исломга) қарши ҳамкорлик тўғрисида шартнома мавжуд. Бу борада у бизнинг энг катта ёрдамчимиздир. Жанг қилиш учун чет элларга бориб, террорчи жиҳодий гуруҳларга қўшилиш истагида бўлган Тожикистон фуқаролари вақти-вақти билан Россия ва Туркия орқали Сурияга ўтиб кетмоқда ва шу йўл билан яна қайтиб келмоқда. Бу жараёнда Россия террорчилар сафига қўшилганлиги аниқланган тожик фуқароларини зудлик билан Тожикистонга экстрадиция қилмоқда”, дейди тожик расмийси.
Россиянинг Тожикистондаги ҳарбий базаси икки давлат ўртасидаги ўзаро шартноманинг муҳим белгиси эканлигини билдирган манбанинг таъкидлашича, Тожикистон Россия билан муносабатларини мустаҳкамлаб бориши лозимдир.
“Биз Россия билан қўшма ҳаракатларимизни янада кучайтиришимиз керак. Тожикистоннинг терроризмга қарши кураши учун Россия тарафидан кенг қамровли ҳарбий таълим ишларининг олиб борилиши борасида умидларимиз бор”, дейди манба.
Бироқ бир вақтлар Афғон мужоҳидларидан мағлуб бўлиб, шармандаларча Афғонистонни тарк этган Россия армиясининг Тожикистон ҳарбийларига қандай ёрдам бера олиши жумбоқлигича қолмоқда.
