Қатар инқирозидан сўнг янги ҳамкорлик
Қатар инқирози давом этар экан, Саудия Арабистони Исроил билан икки томонлама муносабатлар ўрнатиш, хусусан иқтисодий соҳада ҳамкорликни ташкил этиш учун учрашув ўтказганлиги хабар қилинмода. Хабарда айтилишича, икки мамлакат ўртасида аввало иқтисодий алоқаларни ташкил қилиш билан бошланган музокаралар бошқа соҳаларда ҳам ўтказилиши кўзда тутилган.
“Таймес” газетасининг хабарига кўра, минтақада Эрон таҳдидига учрагандиги даъво қилинган икки мамлакат сўнгги йилларда икки томонлама муносабатларни ўрнатиш устида музокаралар олиб бормоқда. Шунга кўра, Саудия Арабистони Исроилга оид корхоналарнинг кўрфазда иш юритишига ва Исроил авиакомпанияларининг Саудия Арабистони ҳаво ҳудудидан фойдаланишига имкон яратиб беради.
Қатар инқирози ортидан Исроил Мудофаа вазири Авигдор Либерман парламентда сўзлаган нутқида Қатар инқирози Исломга қарши курашда Исроил учун катта имконият яратиши ҳақида айтган эди.
“Қатар ва баъзи араб давлатлари ўртасида юзага келган инқироз радикал исломий терроризмга қарши араб давлатлари билан ҳамкорлик қилиш учун Исроилга катта имконият тақдим этмоқда. Араб давлатларининг ўзлари ҳам минтақадаги хавф-хатар Исроил эмас, балки терроризм (Ислом) эканлигини англаб етишди. Бу ҳолат ҳамкорлик учун имкониятдир”, деган эди Авигдор Либерман.