Мирзиёев: экстремистларни Ўзбекистон фуқаролигидан чиқаришга тайёрман
“Sputnik” хабарига кўра, Ўзбекистон президенти экстремистларни фуқароликдан маҳрум этишга тайёрлигини айтди.
“Эртанги кунимиз тинч бўлсин десак, менга ўша ашаддий экстремистларни Ўзбекистон фуқаролигидан чиқариш бўйича таклиф киритиш керак”, – деб таъкидлаган Шавкат Мирзиёев Андижон вилоятига уюштирган сафари чоғида. Президент чиқиши “Ўзбекистон” телеканали орқали трансляция қилинган.
Президент шунингдек, ушбу масалада ижро этувчи органлар томонидан йўл қўйилаётган хатоликларни кўрсатиб ўтган ҳамда ўз ҳаётини эсктремистик фаолият билан боғлаган шахслар қариндошларини жамоатчилик ҳаётидан чиқариб ташлаш каби ҳаракатларга йўл қўйилмаслигини кераклигини айтган.
“Адашганларни биз илм билан ва ҳаётий мисоллар билан жамиятга қайтарамиз. Агар мисол учун, бешта маҳаллада 20-30 нафар адашганлар бўлса, шу 20 нафардан бештаси ашаддий – у қайтмайди. Уларни Ўзбекистон фуқаролигидан чиқариш керак ва мен бунга тайёрман”,- деб айтган Мирзиёев.
