Қирғизистонда даъват масаласи парламентга тақдим қилинди
Қирғизистон кўчаларида Исломга даъват қилиш ҳамда шу мақсадда видео ва аудио материаллар тарқатиш таъқиқланиши ҳақида айтилмоқда. Айни масаласини ўз ичига олган қонун лойиҳаси давлат парламенти “жокорку кенеш”нинг кун тартибидаги асосий мавзуга айланди.
Мазкур лойиҳа дин ишлари бўйича масъул Зайирбек Эргешов томонидан парламентнинг ижтимоий ишлар, таълим тарбия, маданият ва халқ саломатлиги қўмитасининг йиғилишида тақдим қилинди. Лойиҳага кўра, кўчаларида Исломга даъват қилиш ва шу мақсадда турли видео ва аудио материаллар тарқатиш таъқиқланади.
Лойиҳани муҳокама қилиш жараёнида “Онугуу прогресс” партиясининг вакили депутат Тазабек Икромов “Бу лойиҳа мамлакатда Исломга даъват қилишни таъқиқлайдими?” деган саволни ўртага ташлади. Лойиҳани парламентга тақдим қилган Ергешов Икрамовнинг саволига жавобан бу лойиҳа инсонларни масжидга даъват қилишни ман қилмаслигини билдирди.
“Ҳеч ким фуқароларни масжидга даъват қилишга қарши эмас. Халқимиз диний маълумотларни масжидларнинг имомларидан олишлари керак, кўчалардан эмас”, деди дин ишлари бўйича масъул Ергешов.
Кўчаларда Исломга даъват қилишни таъқиқлаш масаласи муҳокама қилингандан сўнг депутатлар биринчи овозга қўйилишидаёқ ҳукуматнинг таклифини қабул қилди.
Туркистон:
Бу нобакорлар “даъват” деганда нимани назарда тутишяпти?! Оллоҳни ёки унинг Росули (сав)ни кўчада бировга мақтаб бўлмайдими?! Ёки бировга намоз ҳақида гапирган одам энди жиноий жавобгарликка тортиладими?! Ҳайит билан бир биримизни табрикласак, даъват қилган бўламизми?!
Бу конун лоиҳаси юқоридаги саволларнинг барчасини бирма бир, алоҳида бандлар билан кўрсатиб бериши шарт! Чунки биз мусулмонлар кўчада ўзимизни қандай тутишимиз лозим, куфрни ранжитмаслик учун нималар ҳақида гапиришимиз мумкин ва қайси мавзулар таъқиқлан, булар ҳақида тиниқ маълумотга эга бўлишимиз керак!! Яъни, бизга йўл харитаси чизиб берилсин. Бу нафақат мусулмонлар учун, балки бизни суд қилиши керак бўлган уларнинг юристлари учун ҳам ўта зарур!
Қандай кунларга қолдик?! Ҳали Қирғизистон тарихида бунчалик Ислом динини таҳқирлайдиган, уни камситган бунақанги қонун қабул қилинган эмас! Фоҳишаликка ёки баччавозлик каби бузуқчиликларга очиқ даъват қилинишига қарши қонун йўқ. Демак, Қирғиз парламенти Ислом динига чақиришни, барча бузуқчиликларга чақиришдан кўра зарарли ва ёмонроқ деб топишипти!
Хулоса қилиб айтганда, Биз мусулмонлар учун аниқлик киритиб беришсин. Қурон ва Пайғамбаримиз (сав)нинг ҳадисларини умуман кўчада гапириб бўлмайдими? Ёки уларни ичидан қайси оят ва ҳадисларни таъқиқлашяпти?! Бу очиқ телевидениялар орқали баён қилиниши шарт! Биз мусулмонлар аниқ билайлик, бу нобакор куфрнинг шупургилари биздан ва Оллоҳнинг динидан нималарни хоҳлашяпти?! Албатта динимиздан воз кечиб куфр келтиришимизни!!!
وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ
-“Яҳудий ва насронийлар уларнинг динига кирмагунингизча ҳаргиз сиздан рози бўлмайдилар”.