Трамп Брюсселда НАТОни яна танқид қилди
Белгия пойтахти Брюсселда ташкил қилинган НАТО саммитида АҚШ президенти Доналд Трампнинг талаблари янгради. Трамп НАТОга аъзо давлатларнинг аксариятини ўз зиммаларидаги вазифларини бажармаётганликда айблади. У АҚШнинг ўзи ёлғиз бу юкни ўз зиммасига олмаслигини ҳам эслатиб ўтди. АҚШ президенти сифатида НАТО йиғилишига биринчи марта иштирок этаётган Трамп президентлик вазифасини бошламай туриб уни “эскириб қолган ташкилот” дея атаган эди.
Трамп саммитда қилган нутқида НАТОнинг 28 аъзосидан 23таси ҳали ҳам мудофаа соҳасида керакли ҳисса қўшмаётганлигини билдирди. Трампга кўра, иттифоқчи давлатлар зиммасига тушган улушни тақдим этмаслиги солиқ тўлаётган АҚШ халқига нисбатан ноҳақликдир. Трампнинг бу сўзларини эшитган бошқа давлатларнинг раҳбарлари кулиб қўйганлиги ва ўзаро пичирлашганлари камералар тасвирига тушди.
Шунингдек, йиғилишда Трампнинг икки талаби, яъни мудофаа харажатларини кўпайтириш ва НАТОнинг ИШИДга қарши халқаро коалицияга қўшилиши талаби ўртага ташланди.
Трамп маъмурияти НАТОнинг террор (Ислом) ва Ишидга қарши курашда яна ҳам кўпроқ рол бажариши лозимлигини талаб қилмоқда. Сурия ва Ироқда ИШИДга қарши тузилган халқаро коалицияда иштирок этаётган 68та давлатнинг 28таси НАТОга аъзо давлатлардир. Улар НАТОдан алоҳида ҳолда иштирок этмоқда. Шундай бўлишига қарамай, Трампнинг талаби НАТО ташкилот сифатида халқаро коалицияда иштирок этишидир.
АҚШ Давлат котиби Рекс Тиллерсон ҳам, Вашингтон НАТОнинг “ИШИД” ва терроризмга (Исломга) қарши курашга расмий тарзда қўшилиши истагида эканлигини таъкидлади.
“НАТОга аъзо баъзи давлатлар ҳозиргача тўлиқ суратда ИШИДга қарши курашга иштирок этишмаяпти”, деди Тилерсон.
Франc-Пресс ахборот агентлигининг хабар қилишича, НАТО давлатлари чоршанба куни “ИШИД” ва терроризмга (Исломга) қарши халқаро коалиция иштирок этиш учун расман қарор қабул қилган.
