“Демократия куфрдир” митингида тахминан 5 миллион киши иштирок этди
Исломий ҳаётни қайта бошлаш учун дунё бўйлаб ҳаракат олиб бораётган Ҳизб ут-Таҳрир уюшмаси Индонезияда ўтган жума намозидан сўнг “демократия куфрдир” номли митинг уюштирди. Миллионлаган инсонлар Ҳизб ут-Таҳрир – Индонезия вилоятининг назорати остида уюштирилган мазкур митингни қўллаб қувватлаб кўчаларга чиқишди. Ҳизб ут-Таҳрир – Индонезия вилоятининг маълум қилишича, тахминан 5 миллион киши “демократия куфрдир” митингида иштирок этган.
Айни пайтда, Индонезиянинг ҳуқуқий, сиёсий ва хавфсизлик масалалари бўйича мувофиқлаштирувчи вазири Виранто халифалик давлатини тиклаш учун ҳаракат қилаётган Ҳизб ут-Таҳрир уюшмаси давлат мафкураси ва конституциясига қарши фаолият олиб бораётганлигини даъво қилди. Виранто бу ҳақида журналистларга берган баёнотида айтиб ўтди.
“Ҳизб ут-Таҳрирнинг фаолияти жамиятда бўлинишлар ва можароларга сабаб бўлди. Бу фаолиятлар давлатнинг яхлитлигига таҳдид туғдирмоқда”, деди Ҳизб ут-Таҳрир уюшмаси устидан даъво очилганлигини билдирган Виранто.
Индонезия уламолари кенгашининг ташқи алоқалар бўлими бошлиғи Муҳйиддин Жунайди ҳам Ҳизб ут-Таҳрир уюшмаси бошқа мамлакатларда тақиқланганлигини ва кўплаб мамлакатларда қора рўйхатга киритилганлигини олға сурди. Жунайдига кўра, Ҳизб ут-Таҳрирнинг фаолияти таъқиқланмаслиги учун унинг ҳаракатлари Индонезия қонунларига зид бўлмаслиги шарт.
“Ҳизб ут-Таҳрир Россия, Саудия Арабистони ва Ливия каби кўплаб мамлакатларда тақиқланган. Хусусан, Россияда Ҳизб ут-Таҳрир аъзолари сифатида танилган шахслар ҳеч иккиланмай ҳибсга олинади. Бунинг сабаби Ҳизб ут-Таҳрирнинг бу мамлакатлар қонунларига мувофиқ келмаган тарзда фаолият юритишидир”, “Индонезиянинг плюралистик (кўпчиликнинг розилиги билан қабул қилинган) тамойиллари зарурий ҳисобланади. Ҳизб ут-Таҳрир бу тамойилларга қарши фаолият қилмаса муаммо туғилмайди”, деди Жунайди.
