Эрдоған: Обама бизни алдади
Туркия президенти Ражаб Тоййиб Эрдоған Туркиянинг АҚШ ва Европа Иттифоқи билан алоқалари ва Суриядаги уруш ҳақида Ал-Жазира ахборот агентлигига интервю берди. АҚШ президенти Доналд Трамп билан ўтказган телефон суҳбати ҳақида тўхталган Эрдуғон ПЙД ва ЙПГ борасида АҚШнинг собиқ президенти Барак Обама Туркияни алдаганлигини даъво қилди.
“Илгари ҳам улар (америкаликлар) бу масала бўйича, яъни террорчи ташкилотларга қарши курашда бизнинг ҳамкорлигимиз заруриги ҳақида айтишган эди. Эндиги амалга оширадиган учрашувимизда бу масала хусусида юзма-юз батафсил тўхталамиз ва албатта биз уларга бир қанча ҳужжатларни ҳам тақдим қиламиз. Аввалги учрашувларда ПКК масаласида келишувлар тузилган. Обама даврида ҳам бу борада келишувларимиз бор эди. Аммо афсуски Обама ПЙД ва ЙПГ борасида бизни алдади. Бироқ АҚШнинг ҳозирги маъмурияти яна шундай йўл тутиши эҳтимолдан узоқ деб биламан”, деди Эрдоған.
Туркия президенти Трамп давридан умиди борлигини билдирди ва Трампнинг “Сиз билан жуда муҳим ишлар қиламиз”, деган сўзи мана шунга далолат қилишини таъкидлади.
Туркистон:
Эрдуғоннинг “Обама бизни алдади, аммо АҚШнинг ҳозирги маъмурияти яна шундай йўл тутиши эҳтимолдан узоқ деб биламан” деган гапи сохтакорлик ва ўз халқни адаштиришдан бошқа нарса эмас. Чунки АҚШ мабдаий давлатдир. Шунинг учун унинг лойиҳалари, доктриналари ва бошқа давлатларга бўлган муносабатлари президентнинг ўзгариши билан осонликча ўзгариб кетавермайди. Фақатгина услубларда бир қанча ўзгаришлар бўлиши мумкин.
Агар ростдан ҳам “алдади” деб эътибор қилинган тақдирда ҳам, аслида алдаган Обама эмас, балки Америка давлатидир. Аммо Эрдуғон – бундан яхшигина хабардор бўлса ҳам – АҚШ давлати бизни алдади дея олмайди. Чунки АҚШ билан яна ҳамкорик қилишга тайёр турибди.
Аслида энг катта хато мана шунинг ўзидир, яъни азизликни Аллоҳнинг ҳузуридан эмас, Унинг душманларининг ҳузуридан излашдир. Уларнинг ҳузурида хорликдан бошқа нарса йўқ. Аллоҳни қўйиб, уларни дўст тутишнинг ўзи ҳақиқий хорликдир. Қайси замонда куфрга ён босган мусулмон азиз бўлган?! Ислом давлати ўз тарихида қўлга киритган азизликлар куфрга ялтоқланиш ёки Европа остонасида 54 йил кутиш билан эмас, балки Аллоҳга талпиниш ва унинг аҳкомларига бўйсуниш билан қўлга киритилган эди.
