Қамоқхона бошлиқ ўринбосари гиёҳванд модда билан қўлга тушди
“Sputnik” сайти хабарига кўра, 27-сонли қамоқхона бошлиғи ўринбосари, капитан муассаса ҳудудига гиёҳванд модда олиб киршга ҳаракат қилган вақтда қўлга олинди. Бу ҳақида Жазони ижро этиш давлат хизмати хабар қилган.
Назорат пунктида турган навбатчи капитанни бушлати ичига бир нарса солиб кетаётганини пайқаб қолган. Шу сабабли навбатчилар раҳбари чақирилиб текширув ўтказилганида, унинг қўйнидан пластик пакетга ўралган номаълум модда топилган.
“Шундан сўнг суриштирув ишлар олиб борувчи гуруҳ чақиртирилган ва топилган модда махсус хидли қуритилган нарса эканлиги маълум бўлган. Тайинланган кимёвий экспертиза ҳам бу нарса наша эканлигини тасдиқлади”,- дейилади хабарда.
Жазони ижро этиш давлат хизматининг тергов бошқармаси мазкур факт бўйича жиноий иш қўзғаб, қўлга олинган капитан Свердлов туман суди ҳукми икки ойга қамоққа олинди. Айни вақтда жиноят ишини МХДҚга ўтказиб бериш масаласи кўриб чиқилмоқда.
Туркистон:
Шуни таъкидлаб ўтиш жоизки, бу тартиб соқчисининг Исломий жамоа ва ҳаракатларга ҳеч қандай алоқаси йўқ. Унинг соқоли ҳам, ҳижоб кийган аёли ҳам бўлган эмас. Худди шунингдек илгарироқ Қирғизистоннинг икки президенти улкан жиноятлар қилганлари учун кувғинга учрашди. Улар миллиардлаган халқ маблағларини чет элга олиб чиқиб кетишди, деб иддао қилинди. Сўнгра сиртдан суд қилиниб баъзилари умрбод қамоқ жазосига ҳукм қилинди. Улар қаторида пора олиб қамоққа олинган собиқ президент аппарати етакчиси Данияр Нарымбаев, собиқ спикер Ахматбек Келдибеков ва халқ номидан депутат бўлиб сайланган Қўрқмазов, Текебаев, Ташиев, Жапаров…ларни ҳам Ислом ва мусулмонларга алоқаси бўлган эмас.
Биз ўз етакчилигимизни ишониб топширган президентлар ва президент аппарат етакчиси, бизни устимиздан ўзаро алоқаларимизни тартибга солиб бориш учун қонун чиқарадиган депутатлар ва жиноятчиларни тарбиялаш муассасасини қўриқлаётган соқчилар ўз салоҳиятларидан фойдаланиб, энг катта жиноятларни содир этмоқда. Яъни улар биз берган салтанатга хиёнат қилиб, мансабларини суистеъмол қилишяпти ва ҳаддиларидан ошиб кетишяпти. Давлат хизматидаги бу хиёнатчиларнинг юзлагани жиноят устида қўлга олинаётган бўлса, минглагани қўлга олинмай жиноятларида давом этиб юришибди.
Россиянинг бир жойида бир сақоллик мусулмон жиноят қилса, дарров исломий ҳаракатларга ва сақоллик шахсларга умумий ишончсизлик билдирув агитацияси бошлаб юборилади. Бутун Россия ва унга мустамлака бўлган давлатлар бўйлаб таъзийқлар кучайтирилиб, Ислом ва мусулмонларга қарши матбуот ҳужуми бошланади. Назарбаев “соқол ва қора ҳижобга таъқиқ қўйиш керак” деди. Илгарироқ Атамбаев ҳам худди шу ташаббус билан мусулмонларга қарши компания бошлаган эди.
Нега биз ҳам порахўр, ўғри, жиноятчи президент бошқарувига, президент аппаратига ва депутатларга ҳамда ўз яқинларимиз тақдирини топшириб қўйган қамоқхоналар назорат админстрацияси ва посбонларига ишончсизлик эълон қилмаймиз! Улар очиқ жиноятлар қилиб келишаётганини ҳозир ҳатто ўзлари ҳам яширмай қўйишдику. Қўлларидаги салтанатдан фойдаланиб, бир бирларини коррупция схемасида админстратив ресурслар билан ҳимоя қилиб келишаётганини ҳамма кўриб турибдику! Нега жиноятчи сақоллик ёки исломий даъватчи бўлса, унинг шу исломий сифатларига урғу берилиб, бутун матбуот тизимлари орқали Ислом ва исломий қадриятлар оёқ ости қилинади. Ваҳолангки, Исломдан узоқ бўлган кишилар тарафидан амалга оширилган жиноятлар, Исломий шахслар томонидан амалга оширилди деб гумон қилинган жиноятларга нисбатан камида минг маротаба кўп амалга оширилади. Шундай бўлишига қарамай, уларга сиёсий баҳо берилмайди. Нега уларни ҳам, ким томонидан амалга оширилгани, бесақол ва бенамоз илмоний одам эканлиги, давлат тизимларига алоқадор шахс бўлгани, фуқоролар умумий манфаатларига етказган зиёнлари алоҳида такидлаб ўтилмайди?!!!
Россия режими метрода ўзлари атайин портлатиш уюштириб, Жалиловлар оиласини ҳонавайрон қилиб юборишди. Ваҳолангки Акбаржон Россия фуқороси эди. Лекин хўрланаётган онаси Қирғизистон фуқоросику. Нега у давлат миқёсида ҳимоя қилинмаяпти?
Хуллас оламий етакчи система қулаб боряпти. Бу эса, система ўз қадриятларини ўзи оёғ ости қилишга мажбур бўлиб, ёлғонни ва ғирромлик йўлларини ошкор қила бошлаганидан билинади. Икки стандартлик ўлчов авжига чиқиб боряпти. Ўз қадриятларининг асоси бўлган тенг ҳуқуқлиликни ўзлари бузиб, ўз манфаатлари йўлида ўзлари инкор қилган миллийлик (миллатчилик), диний эркинлик ва тенг ҳуқуқлилик қадриятларини ўзлари очиқ ошкор бузиб боришяпти. Путин бош бўлган бу бошқарув услуби фақат зўровонликка олиб борувчи қалбаки қўпорув амалиётлари ортидан маълумот пропогандалари, яъни ғирром шаллақилик услуби билан давом этиб бораверади. Натижада давлат бошқарув тармоғи вакиллари ўз вазифаларини суистеъмол қилиб, ҳатто турмадаги маҳбусларга наша сотиб бўлса ҳам, ҳаром даромад топиш йўлларини қидира бошлашади. Бу давлат бошқарув системасининг заиф ва ярамас эканлигидан дарак беради!!!
