Санк-Петербургдаги метро бекатида портлаш бўлди
Россиянинг Санк-Петербург шаҳри метросининг бекатларидан бирида портлаш рўй берган. Ижтимоий тармоқларга тарқалган суратларда пачоқланган вагон ва ерда ётган одам таналари кўринган. Дастлабки хабарларга кўра, 10 киши ҳалок бўлган.
Портлаш “Технологический институт”ида бўлган.
Петербург метрополитени матбуот хизмати метро вагонида портлаш бўлганлигини тасдиқлади. Даслабки маълумотларга кўра, “номаълум предмет” портлаган.
Портлаш натижасида 30 одамнинг жароҳатлангани айтилмоқда. Айрим хабар нашрларига кўра, жароҳатланганларнинг ичида ёш болалар ҳам бор.
Интерфакс агентлиги манбасининг айтишича, портлаган нарса қўлбола портловчи қурилма ва у санчилувчи элементларлар билан тўлдирилган бўлиши мумкин.
Айрим хабарларда “Сенная площадь” бекатида ҳам портлаш бўлган.
Санкт-Петербургдаги барча метро станциялари ёпиб қўйилган.
Санкт-Петербург шаҳри метросида рўй берган портлашлар расман теракт сифатида баҳоланди. Бу ҳақда Бош прокуратуранинг ОАВ билан ҳамкорлик қилиш бошқармаси раҳбари Александр Куренной “Россия 24” телеканали эфирида маълум қилди.
Туркистон:
Президент Владимир Путин 1999 йилда президентликка келаётиб, Россия бўйлаб бир неча ўнлаган қўпорув амалиётлари уюштирган эди. Путин қўпорув амалиётлари билан фуқороларни чалғитиб, ўзи президент бўлиб олди. Сўнг Чеченистонга уруш очиш орқали рус элитаси вакилларини сиёсатдан четлатиб, уларнинг ўрнига сечинчилар номи билан танилган бандитлар командасини ҳокимиятга олиб кела бошлади. Путиннинг бу ҳатти ҳаракатлари ўша вақтда халқаро сиёсат томонидан мақулланган эди. Чунки Путин сиёсат ва иқтисод оламида ўта заиф сиёсий арбоб эди. У Россия иқтисодини миллийлаштириш сиёсати билан ҳалокат томон етаклай бошлади. Бугунги кунга келиб, миллийлаштириш сиёсати Путиннинг зарарига ишлай бошлади. Халқаро сиёсатда, Путиннинг бугунги ҳолатга келиши узоқ йиллар кутиб турилди. Путин бир неча ўн йиллаб уринса ҳам, Россияни илгариги ўрнига қайтара олмайдиган даражада иқтисодий ва сиёсий жарликка тушириб юборди.
Энди Путиннинг режими, вазият кўтарса, яна қўпорув амалиётларини бошлаётган бўлиши мумкин. Яна шу йўл билан халқини чалғитиб, намойишчиларга қарши репрессив ҳаракатлар олиб бориши учун шароит ва имкониятларини кенгайтириб олмоқчи бўлади. Исломий хавф ва ваҳималар пайдо қилиш билан балки Доғистон мусулмонларининг норозилик ҳаракатларига исломий тус бериб, иқтисодий коррупцияга қарши намоишларни исломий норози муҳит билан аралаштириб юборишга ҳаракат қилиши мумкин. Ислом ва мусулмонларнинг энг ашаддий душмани бўлган ғаламис Путиндан яхшилик кутиб бўлмайди. Лекин бу гал унинг бу услубига фуқоролари ишонишмайди. Шунинг учун бу қўпорув амалиёти халқини текшириб кўриш мақсадидаги тажриба амалиёти бўлди.
