Эрдоған: Руслар билан ҳарбий жиҳатдан ҳамкорлик қиляпмиз
Туркия президенти Ражаб Тоййиб Эрдоған Москвада Россия Президенти Владимир Путин билан учрашди. Кремлда бўлиб ўтган музокаралар ёпиқ эшиклар ортида бўлиб ўтди. Хабарларда айтилишича, кун тартибига киритилган энг муҳим мавзу Сурия масаласи бўлган. Учрашувдан сўнг икки раҳбар матбуот анжумани ташкил қилишди.
Журналистлар қаршисига чиққан Россия президенти Яқин Шарқ минтақасидаги вазият ўта жиддий эканлигини таъкидлади. Путинга кўра, бу ҳолат Россия учун ҳам таҳдид ҳисобланади. Шунинг учун Россия ва Туркия террорга (Исломга) қарши ўзаро разведка маълумотларини бир бирлари билан пойлашмоқда.
“Қандай мақсадда бўлишидан қатъий назар терроризмнинг барча турига қаршимиз. Бу борада Туркия билан маълумот алмашинуви олиб бормоқдамиз. Минтақадаги вазиятнинг қанчалик жиддий эканини ҳис қилиб турибмиз. Бу эса, глобал маънода биз учун ҳам таҳдиддир. Биргаликда террорни йўқ қиламиз”, “Охирги пайтларда жаҳонда юз бераётган инқирозлар, айниқса Сурия инқирозини бартараф қилиш учун фаол тарзда ҳаракатларимизни давом эттиряпмиз. Ҳарбий ва махсус хизматлари ўртасида конструктив учрашувлар ҳам давом этяпти. Икки давлат мудофаа ва разведка ташкилотлари ўртасида самарали алоқалар ўрнатилди. Ўртамиздаги муносабатлар тез суръатда ўсиб боряпти. Москва бундан жуда мамнун. Россия ва Туркия аскарлари ўртасида бу даражара яқин муносабатлар ўрнатилишини ҳеч ким кутмаган эди”, деди путин.
Эрдоган ҳам Туркия-Россия ўртасидаги муносабатларни юқори баҳолаб, террорчи ташкилотларга қарши биргаликда кураш олиб бориш зарурлигига урғу берар экан, “Ҳарбий жиҳатдан ҳамкорлик қиляпмиз. Барча террорчи ташкилотларга қарши қатъий қарор билан кураш олиб боришга мажбурмиз. Суриядаги инсонлар устидан биз масъулмиз” дея таъкидлади.
