بسـم الله الرحمن الرحيم
8 мартни “байрам” қилса нима бўлади?
8 мартнинг ўзига яраша тарихий ҳақиқати ва унга нисбатан шариатни баҳоси бор албатта. Лекин унинг ҳукми ҳаромлиги ва ундай “байрам” Исломда йўқ экани ҳаммага маълум. Биз бу куннига нисбатан икки ҳил қарашни мумкин қадар солиштириб бермоқчимиз.
8 мартни “байрам” куни деб ҳисоблайдиганлар, аёллар жамиятдаги ўз ўрнига ва ҳақ-ҳуқуқларига эга бўлганини бошланиш куни деб қарайдилар. Шу боис аёллардаги дунё қараш ҳам, уларга бўлган бошқаларнинг қараши ҳам исломий қарашдан бошқача бўлган, улардан баъзилари:
- аёл кўчаларга бор гўзалликларини намоён қилиб чиқишлари маданиятли кўриниш… Энди буни тасаввур қилиб кўрайлик; бор чиройини, фитнагоҳ жойларини очиб чиқишлари билан бегона эркакларни ўзларига қаратадилар ва улардаги шаҳвоний хирсларни қўзғатади. Шайтон уларни зинога чорлайди. Ким билан зино қилади? АҚШга ёки Гонконгга бориб зино қиладими?… Ундан ўзини тийганлар қийналиб, сабр қилиб кун кечирадилар. Демак зино ёки сабр, қачонгача?!
Исломдачи?! Ҳамма жойларини беркитиб, ҳатто ҳушбўй нарсаларни ҳам, овоз чиқарадиган тақинчоқларни ҳам тақишни ҳаром қилган Исломдаги аёл жамоатда, кўчаларда кўриниши шаҳвоний хирсларни қўзгаш эмас, аксинча Аллоҳ Таолони эслатади, нима учун ёзнинг иссиғида шунчалар ўранган ёки қор-ёмғирда узун қилиб кийинган?! Табиийки, Аллоҳ Таолонинг амрида…
- кўчада, жамоат жойларида аёллар ичида ғолибликни қўлга киритиш учун борини сарифлайди, эътиборини ўзини гўзал қилишга қаратади. Оила, фарзанд, эри ёки ота-она каби ишлар унинг ҳисобида йўқ. Кўчаларда ўзидан кўра гўзалликда пешкадамларни кўришлиги унда мағлубият хиссини пайдо қилади ва бу доимий бўлади, чунки ёши ўтган сари ёшлар ундан ғолибликни олиб қўядида, у доимий руҳий тушкунлик ҳолатида, яъни “дистресс” балосига учрайди. Аёл уйига чарчаб келиб, умуман эътибор бермаган оилага; бири биридан гўзалларни кўриб келган эри келиши билан ғазабланиши кундан кунга ортиб боради, ақлини вақтинчалик ишламай туриши учун ичкиликдан чора излайди. Оиласидан кўра бошқа жойлар унга ҳотиржамроқ бўла бошлайди… Ҳар куни жанжал ичида улғайган фарзандларни келажаги нима бўлади ?!…
Исломдачи?! Кўчаларга чиқиш учн ҳеч қандай таёргарлик шарт эмас, фақат жилбоб ва рўмол бўлса бас. Шундай экан бор эътиборини эрини рози қилишга қаратиб, уйини сарамжону саришта, гўзулликларини намоён қилган ҳолда эрини кутиб олиши билан эр ўзини меҳрибон аёли олдида қарздор хис қилади ва кейинги кунлари у ҳам аёлини хурсанд қилиш илинчида кўпроқ оиласини, аёли ва фарзандларини хурсандчилигини ўйлайди. Бу билан оила хурсандчиликка тўлади, ҳар куни “байрам”. Фарзандлар ҳам онасининг тўла эътиборида бўлишидан ва мусаффо муҳитда вояга етишлари билан баркамол авлод етишиб чиқади. Улар ҳам ўз навбатида ота-онасига яхшиликлар қилиб, оилага ўз хиссаларини қўшишни мақсад қиладилар…
Бу фикрлар сизлар учун қаёққа қараб йўл белгилашдаги фикрлашингизга намуна сифатида бериб ўтдим. Энди жамият бузилса, зино авжига чиқса, бетайин фарзандлар кўпайса, оилалар парчаланса, ёшларнинг тарбияси бузилса аёл эрига, эр аёлига ишонмайдиган аҳволга келиб қолса бунга ким айибдор? Маймунларга ўҳшаб, бировларга тақлид қилишни бас қилайликда, ўзимиз учун қандай аёл, фарзандларимиз учун қандай онани танлаймиз, аёллар эса ўзлари учун қандай турмуш ўртоғи ва фарзандлари учун қандай отани танлашимизни ва ўшандайлар билан ҳаёт кечиришликни фикран ечиб, кейин қадам ташлайлик. Энди сизга савол: 8-чи мартни “байрам” қилса нима бўлади ?
Ғариб.
