Атамбаев Белгияга учиб кетди
Президент матбуот хизматининг хабар қилишича, Алмазбек Атамбаев бошчилигидаги делегация 15 феврал куни Белгияга учиб кетди. Делегация сафида Ташқи ишлар вазири Эрлан Абдилдаев, президент маъмуриятининг ташқи сиёсати бўлим бошлиғи Айзада Субакожоева, прездент маслахатчиси Калик Султонов, президент маъмурияти раҳбари Турусбек Коеналиев ва ҳукуматнинг Жалолобод вилоятидаги вакили Киянбек Сотволдиевлар бор. Булардан ташқари Қирғизистоннинг Белгиядаги элчиси, Еврокомиссиядаги доимий вакили Асеин Исаев, Қирғизистоннинг Германиядаги элчиси Эрнис Оторбаев қўшилади.
Хабарга кўра, сафар давомида Алмазбек Атамбаев Европа Иттифоқининг ташқи сиёсат бўйича бош комиссари Федрико Могерини, ЕИ раиси Дональд Туск, ва Еврокомиссия раҳбари Жан Клод Юнкер билан учаришиш кутилмоқда.
Бундан ташқари, Атамбаев Германияга бўлган сафарида “Очиқ жамият” институти асосчиси Жорж Сорос билан учрашиб, Мюнхен конференциясида иштирок этади ҳамда Германия канцлери Ангела Меркел билан учрашади.
Бундан аввалроқ президет маъмурияти бошлиғи биринчи ўринбосари Сапар Исоқов, Алмазбек Атамбаевнинг Германия ва Белгияга амалий ташрифи давомида иккита молиявий келишув имзоланиши кутилаётгани ва ҳуқуқ устуворлиги дастури бўйича қонунчилик жараёнини модернизация қилишга 30 миллион, қишлоқ хўжалиги дастури бўйича 72 миллион евро ажратиш мўлжаллаётгани ҳақида маълум қилган эди.