Эрдоған Трампнинг ишларига муваффақият тилади

439
0

Эрдоған Трампнинг ишларига муваффақият тилади

Туркия президенти Ражаб Тоййиб Эрдоған АҚШ президенти Дональд Трамп билан телефон орқали суҳбатлашди. Суҳбат чоғида президент Эрдоған Исломга қарши курашни кучайтиришга бел боғлаган Трампнинг ишларига муваффақият тилади. Иккала раҳбар ҳам “террор”нинг ҳар қандай турига қарши биргаликда курашни давом эттириш борасида қатъий қарорга эга эканликларини таъкидлашди.

Туркия президенти матбуот марказидан берилган баёнотга айтилишича, тахминан 45 дақиқа давом этган суҳбат пайтида президент Эрдоған, Туркия ва АҚШ ҳар доим бир-бири билан иттифоқдош ва дўст бўлиб келганлигига урғу берган. Трамп ҳам АҚШнинг стратегик ҳамкори бўлган Туркияни доим қўллаб-қувватлашини билдирар экан, Туркия билан икки томонлама муносабатларни ривожлантириш ва минтақавий масалалар бўйича яқиндан ҳамкорлик қилиш истагида эканлигини билдирган.

Туркистон:

Маълумки, Туркия расмийлари АҚШнинг собиқ президенти Обаманинг баъзи сиёсатидан норози эканлигини айтиб келаётган эди. Чунки Обама Туркиянинг террор рўйхатига киритилган YGP ва PYD каби гуруҳларни ИШИДга қарши кураш баҳонасида замонавий қурол аслаҳалар билан таъминлаш ҳадиқа қарор қабул қилган эди. Бугунга келиб баъзи Турк расмийлари АҚШнинг янги президенти собиқ президентнинг юқоридаги “хатоларини” тузатишини башорат қилмоқда.

Аслини олганда АҚШда президентлар ўзгаргани билан АҚШнинг сиёсати ўзгармайди. Чунки Америка сиёсати президентларга эмас, АҚШнинг бошқарув муассасига тобедир. Яъни Америка сиёсатини муассасалар белгилайди ва уни президентлар амалга оширади. Ҳар қандай президент – у қайси партиядан бўлмасин – Америкадаги бошқарув муассасалари белгилаб берган ташқи сиёсатни давом эттиришга мажбурдир. Бу муассаса ўзининг низомига ўзгартириш киритмагунча АҚШнинг сиёсати ўзгармайди. “Янги президент келди, мана энди бу эски президентнинг хатоларини тузатади. Бундан буёғига алоқаларимизда ўзгаришлар юз беради. Янги президент YGP ва PYD каби террорчиларни қўллашдан воз кечади”, деган гаплар қуруқ кўзбўямачиликдан бошқа нарса эмас.

Шунинг учун Трампнинг келиши билан АҚШ сиёсатида ўзгариш юзага келишини кутиш сиёсий юзакиликдир. Чунки АҚШ сиёсати мафкурага (идеологияга) боғлиқ сиёсатдир, индивидуал сиёсат эмас. Шунга кўра айтиш мумкинки, Оқ уйга Буш, Обама, Трамп ёки бшқасининг келиши билан Исломга қарши кураш тўхтаб қолмайди. Чунки бу президентларнинг сиёсати эмас, АҚШ давлатининг сиёсатидир. Фақатгина услубларда ўзгариш бўлиши мумкин. Масалан Буш Исломга қарши курашда ҳарбий услубни қўллаган бўлса, Обама минтақавий ҳамкорлик номи остида мусулмонларни ўзаро уруштириш услубини танлади. Трамп ҳам партиядоши Бушнинг йўлини тутиши кутилмоқда. Аммо нима бўлганда ҳам, Исломга қарши душманлик давом этаверади. Демак, ўз-ўзидан маълумки, АҚШ президентининг ишларига муваффақият тилаш Исломга қарши курашга муваффақият тилашдир, Аллоҳ бундан сақласин.

LEAVE A REPLY

Please enter your comment!
Please enter your name here