Даъват юкини зиммасига олган муслима онамизнинг вафот этгани тўғрисида хабар
Ҳизб ут-Таҳрир – Қирғизистон даъват юкини зиммасига олиб, узоқ йиллар бу йўлда тинимсиз ҳаракат қилган муслима онамиз Абдураимова Сорахон аянинг узоқ давом этган касалликдан сўнг 28 январ куни вафот этгани ҳақида чуқур қайғу билан хабар қилади.
1938-йили Боткен вилояти Қадамжой туманида туғилган Сорахон ая Ҳизб ут-Таҳрир фикрлари билан танишган дастлабки кундан бошлаб Пайғамбарлик минҳожи асосидаги Халифаликни барпо этиш орқали исломий ҳаётни қайта бошлаш йўлида ҳаракат олиб борди. Сорахон ая 1998 йил Ҳизб сафига кирди ва ўша вақтдан буён Ҳизб сафида фаолият қилиб келди.
Сорахон ая ёши ўтиб қолгани, соғлиги ёмонлашиб боришига қарамай, умрининг сўнгги кунигача қўни-қўшниларини, қариндошларини, барча мусулмонларни эзгулик ва ҳаққа даъват қилиб келди. Ҳамма уни Ҳизб ут-Таҳрир аъзоси сифатида танирди.
Биз Ҳизб ут-Таҳрир-Қирғизистон вилояти аъзолари Аллоҳ Таолодан Сорахон аяни Ўзининг кенг раҳматига буркашини, жаннатда пайғамбарлар ва сиддиқлар билан бирга қилишини сўраймиз.
Сорахон аянинг ортида қолган оила аъзолари ва яқинларига чуқур таъзия изҳор қиламиз. Аллоҳ Таолодан уларга сабри жамил ато этишини сўраймиз.
Сорахон ая! сизнинг ўлимингиз бизларни чуқур қайғуга солган бўлсада, Аллоҳни рози қилувчи сўздан бошқасини айтмаймиз:
إنا لله وإنا إليه راجعون
“Албатта биз Аллоҳнинг бандаларимиз ва албатта Ўзига қайтажакмиз” [Бақара 156]
Ҳизб ут-Таҳрир – Қирғизистон.
