Қаюмшоҳ бобо 92 ёшида эгиз фарзандли бўлди!
Тожикистоннинг Вахш тумани турғуни Қаюмшоҳ бобо 92 ёшида Билол ва Ҳилолбиби исмли эгизакларнинг отаси бўлди.
Қаюмшоҳ бобонинг исми бундан уч йил муқаддам, яъни 2014 йилда маҳаллий ахоборот воситаларнинг давр мавзусига айланган эди. Ўшанда Бобо 90 ёшида қиз фарзандли бўлган эди. Эндиликда Фотима исмли қизи 3 ёшга кирди. “Хатлон” нашрининг ёзишича, Қаюмшоҳ бобо аввалги аёлидан 6 фарзанди; 2 қиз ва 4 ўғли бор бўлиб, кейинги никоҳидан Худо унга яна 4 фарзанд берди – Абдураҳим, Фотима, Билол ва Ҳилолбиби . Қаюмшоҳ бобо умр йўлдоши вафотидан кейин, 2010 йил 85 ёшида янги оила қурди. Қаюмшоҳ отанинг энг тўнғич фарзанди Ниҳолби 61- ёшда, энг тўнғич набираси эса 40 ёшга тўлган, биринчи эвараси 17 ёшга кирди.
Қаюмшоҳ Ҳалимов 1924 йилнинг 20 февралида Тожикистоннинг Сари Хосор қишлоқида дунёга келган. 1942 йилда ҳамма қатори Улуғ ватан урушида иштирок этиб, уруш тугагач яна 2 йил Германияда хизматда бўлган. Қаҳрамонота – Қаюмшоҳ бобонинг эндиликда 10 фарзанд, 40 набира ва 46 эвараси бор. Журналистларнинг “Фарзанд ва невараларингиз фарзандли бўлишингизга қандай муносабат билдиришади. Улар сизга ёмон гаплар айтиб, мазаммат қилишмайдими?- деган саволларига Ота бундай жавоб берди: –“йўқ, аксинча мени қарилик чоғимда фарзандли бўлишимдан улар жуда хурсанд, укалари ва сингилларини яхши кўришади”.
Қаюмшоҳ отанинг ўзидан анчагина ёш бўлган аёли ҳам ўз муносабатини билдириб шундай дейди: -“ Менга шундай ширин фарзандларни инъом этган Аллоҳга шукурлар айтаман”.
Қаюмшоҳ отанинг баркамол фарзандлари оналари вафотидан сўнг Оталарига суянчиқ, ёрдамчи бўлсин деб уни яна бир маротаба уйлантиришди. 7 йил мобайнида Оталари уларга яна икки ука ва икки сингил ҳадя этди.
Экспертларни айтишига қараганда, ёши ўтгандан кейин оилали бўлиб, фарзанд кўриш ижтимоий ҳаётда ёмон оқибатларга сабаб бўлади. Айниқса , аввалги аёлидан қолган авлод ва кейинги никоҳидан туғулган фарзандлари орасида ихтилоф юзага келиши мумкин… .
Юқоридаги гап дунёвий таҳлилчиларнинг фикри бўлиб, улар инсоний чекланган ақлидан келиб чиқиб, воқеъликдан ҳукм олишга ўрганиб қолишган.
Бизларга эса Ислом ақидасининг ўзи кифоя. Агар фарзандларимизни гўдаклик чоғиданоқ шаръий тарбия қилсак, ҳатто агар 10-15 фарзандли бўлсак ҳам улар орасида асло ихтилоф чикмайди иншоАллоҳ.
Қолаверса, Аллоҳнинг барча ҳукмларида ҳикмат яширин.
Анас (р.а.)дан ривоят қилинган ҳадисда Расулаллоҳ (с.а.в.) дедилар:
من حديث أنس بلفظ: تزوجوا الودود الولود فإني مكاثر بكم يوم القيامة
” Меҳрибон, муҳаббатли ва авлод келтирувчи аёлларга уйланинглар. Чунки мен Қиёмат кунида сизларнинг кўплигингиз билан фахрланаман”.
Ассалому алайкум.
Мунаввара
