Жалолобод: Диний экстремизмнинг олдини олиш бўйича чора-тадбирлар кучайтирилди
“Азаттык” ахборот агентлигининг хабар қилишича, Жалолобод вилояти Ички ишлар бошқармаси диний экстремизм ва терроризмни олдини олиш ва унга қарши курашиш мақсадида тезкор чора-тадбирларни кучайтирди.
Агентликнинг хабарига кўра, Сузоқ туманида 17 январ куни Ҳизб ут-Таҳрир ташкилотининг фаол аъзолари сифатида милиция рўйхатида турган уч фуқаронинг уйида суд санкцияси ва гувоҳлар иштирокида тинтув ишлари олиб борилган. Тинтувда мазмунан гумонли бўлган диний китоблар, варақалар қўлга киритилган. Уларнинг орасида Суриядаги вазият, “Ислом давлати” ташкилоти бўйича материаллар ҳам чиққан.
Бозорқўрғон туманида эса Чуй вилоятидан борган фуқаро қўлга олинган. Унинг ёнидан муфтиётнинг муҳри босилмаган, рухсатсиз чоп этилган диний китоблар, дин ҳақида ёзилган дафтарлар топилган. Бу ҳолатлар бўйича жиноий иш қўзғатилиб, тергов ишлари бошланган ва теологик экспертиза тайинланган.
ИИБ берган маълумотга кўра, 2016 йили вилоятда диний экстремизм бўйича 79 ҳолат аниқланган ва 48 жиноий иши қўзғатилган. Бу эса ўтган йилга солиштирганда кўпдир.
Туркистон:
Қирғизистон ҳукумати “диний жиноятчилар”ни қўлга олиш бўйича, орган ходимларига йиллик ёки кварталлик мажбурият белгилаб беради. Куч тизимларининг ҳаммаси ҳукумат қўли остида, “диний жиноят”лар бўйича гумондор шахсларни қўлга олиш амалиётларини олиб боришда алоҳида система пайдо қилишган. Улар буни “ҳали амалга оширилмаган жиноятни олдини олиш амалиётлари” деб аташади. Мусулмонларга нисбатан бу иш-ҳаракатлар аслида ноқонуний эканлигини яшириш мақсадида, оламда бўлаётган уруш ёки қўпорув амалиётларини Ислом ва мусулмонларга тўнкаб, ваҳима пайдо қилиш ва телекўрсатувлар орқали кенг ташвиқотлар олиб бориш учун матбуот ҳужумлари уюштириб туришади. Мақсадлари, оламий ташкилотлардан оладиган моддий ва молиявий кўмаклари учун ҳисобот бериш ва яна шу йўналишга қарши ҳаракатларини давом эттириш учун улардан маблағ сўрашга янги шароитлар яратиб боришдир.
Ҳизб ут-Таҳрир аъзолари уларнинг бу ҳужумлари учун асосий нишон ҳисобланади. Ҳукумат диндорларга қарши куч органларидан тузган бу мафия системаси диндорлар томонидан ёзилаётган аризаларга жавоб қайтаришдан бош тортишяпти. Суд системаси ҳам, диний гумондор шахсларга қарши бўҳтонлиги яққол кўриниб турган ёки тинтув қилишга арзимаган асосларга таянган даъволар олиб келишса, қўрқмай терговчиларга санкция бериб юборяпти. Бу каби ноқонуний ҳаракат бирор Ғарбпараст шахсияга, хезалак (гей) ёки мухолифат вакилига нисбатан бир маротаба уюштирилса, бутун нодавлат ташкилотлар оёққа туради. Аммо юзлаган мусулмонларга, хоссатан Ҳизбга аъзо бўлганлиги учун бир неча аёлларга бўҳтонлар уюштирилаётганига эса ҳеч ким эътибор қаратмаяпти.
Орган ходимларига худди бир корхона ишчилари сингари мажбуриятлар белгиланяпти. “Бу йил фалонча диний одам қўлга олинди. Уларнинг шунчасининг устидан жиноий иш очилди. Бу ўтган йилдагидан кўра фалончага кўпроқ”, деб мақтанишяпти. Агар бу Ғарб донорлари учун ҳисобот бўлмаса, аксинча “бу йил диний жиноий ишлар фалончага озайди”, деб мағрурланишлари керак эди. Энди бу орган ходимлари, юқоридан зиммаларига юклаб қўйилган мажбуриятни адо этаман деб, йўқ ердан жиноятчи қидира бошлайди. Фарзандларимизни телефонларидан нималардир топишга ҳаракат қилишади. Шунингдек уйдирма асослар билан диний одамларнинг уйларига бостириб кириб, бирор жиноий элементлар қидира бошлашади. Бостириб кирган уйларидан жиноий материал топша олмаса, ўзлари бирор нарса ташлаб бўлса ҳам, юқоридан қўйилган “план”ни ошиғи билан бажаришга ҳаракат қилишади.
Қирғизистонда, ҳуқуқ тартиб органлари томонидан мусулмонларга нисбатан алоҳида кўзқараш асосида муносабат шакилланиб боряпти. Бу эса, ҳокимият томонидан атайин шакиллантириб борилаётган ўта хавфли ва уюшган жиноятчилик муносабатидир. Мусулмонларнинг ишига ва ҳақ ҳуқуқларига қонун томонидан бошқалар қатори эътибор қаратилмаса, мусулмонлар ўз ҳуқуқларини ўзлари ҳимоя қилишга мажбур бўлишади.