Ўт очишни тўхтатиш нафақат ёлғон ғалаба, ҳатто муқаррар таслим бўлиш ҳамдир!
Жангчи гуруҳларни Шом қўзғолонини муқаррар хавфдан қутқариш учун бирлашиш лозимлигига тўхтовсиз равишда чақирилгач, ниҳоят, гуруҳлар етакчилари бирлашишди. Бироқ улар аёллар ва болалар қотили, номуслар тажовузкори билан ўт очишни тўхтатиш атрофида бирлашишди. Олти йил давомида берилган қурбонликларни унутишди, дарё бўлиб оққан шаҳидлар қонини мутлақо ўйлашмади. Ваҳоланки, ё зафар қучиш ёки шаҳид бўлишга аҳд қилган, Аллоҳ йўлида жиҳод қилишга сўз берган мана шу қўмондонлар эди. Бироқ, қўллаб-қувватловчи давлатлар бу қўмондонлар нопок музокаралар бозоридаги даллолларга айланишлари учун аҳдини бузиб сўзидан қайтишларини исташди.
Шубҳасиз, ўт очишни тўхтатишга эришиш, АҚШ-Россия келишуви натижаси бўлиб, у Вена конференциясининг бир йилдан кўпроқ вақт олдинги қарорларидан бири эди. АҚШ уни бир тиши Россия иккинчи тиши Туркия бўлган омбир ёрдамида амалга оширишга муваффақ бўлди. Шом юртида мана шундай шармандалик ва хорлик келишуви ўз аксини топди, қўзғолонни сиёсий битимлар кундасига қўйиб, Американинг сиёсий ечимига эришиш кўзланди. Бу сиёсий ечим илмоний демократик фуқаролик давлатида ҳамда армия ва хавфсизлик хизмати каби қирғин қилувчи, вайрон этувчи воситаларни сақлаб қолишда, қолаверса, жангчи гуруҳлар қонхўр режим билан Шом аҳлига қарши битта хандақда бўлиши учун уларни ҳам режимга бирлаштиришда намоён бўлмоқда.
Бундай битимга рози бўлиш кечаги душманни бугунги дўстга, кечаги биродарни эса бугунги ғанимга айлантириб, ораларида улкан дарз пайдо қилади… Бу эса ўз навбатида, қўлловчи билан инкор этувчи ўртасини ажратмай вайрон қиладиган ички урушга замин тайёрлайди… Кофир Ғарбнинг истаги айнан шудир, бунга баҳоналар ўйлаб топишдан уни ҳеч нарса тўсолмайди. Бундан ташқари, ўт очишни тўхтатишга томонларнинг фақат биттаси, яъни битимга имзо чеккан гуруҳлар амал қилади. Имзо чекишдан бош тортган гуруҳлар эса, терроризмга қарши кураш ниқоби остида нишонга олинади… Бу шуни англатадики, демак, ҳали бомбардимон қилиш, вайрон этиш ва азоб-уқубатлар давом этади. Айни пайтда, Шом тоғутининг қонунийлиги тикланиб хавфсизлиги таъминланади ва уни тахминий душманларидан қўриқланади.
Эй Ислом диёри маркази бўлган Шом мусулмонлари!
Шом қўзғолони устида тил бириктирганлар ва уларга лаққа тушган гуруҳ етакчилари Ҳалабни бой бериш бизни қўзғолондан воз кечишга етаклайдиган руҳий зарба бўлишини ҳамда бу билан қўзғолонга барҳам беришни ва бизнинг ўзимизга бўлган ишончимизни йўқ қилишни исташди. Шунинг учун ҳам ўзларининг бундай қаттол ечимларини «Биз қон тўкишни тўхтатишни, одамлар машаққатларига барҳам беришни истаймиз», деган даъволари билан оқлашга уринишди. Аслида эса, гуруҳ етакчилари қўзғолонни тириклайин кўмиш жиноятига рози бўлиш билан фарзандларимиз ва шаҳидларимиз тўккан қонга аллақачон беписанд қарашди, аёлларимиз номусини сариқ чақалик қадрлашмади. Ҳатто булардан ҳам даҳшатлиси, улар Аллоҳ Азза ва Жалла динига беписанд қараб, динни давлатдан ажратувчи демократик илмонийлик асосидаги музокарани қабул қилишди. Булар нопок сиёсий молга учишнинг натижаси ва ҳарбий жиҳатдан душманлар эплолмаган ишни сиёсий жиҳатдан уддасидан чиққан қўлловчи давлатларга ишонишнинг оқибатидир. Шунингдек бу – бизнинг маъруфга буюриш ва мункардан қайтаришдан иборат муҳосаба қилиш фарзидан воз кечганимиз натижасидир. Бас, шундай экан, эй ақлирасо инсонлар, эс-ҳушингизни йиғиб, кемангизни чўкмасидан олдин қутқариб қолинг, ахир, унинг тешиги каттайгандан каттайди. Шунингдек, деворингизни ҳам вайрон бўлмай туриб барпо қилинг, барчамиз ҳалок бўлмасимиздан олдин адашганларни йўлга солинг. Юз буриб кетманг, акс ҳолда, ўрнингизга бошқа инсонлар алмаштирилиши мумкин, Аллоҳ азза ва Жалла
وَلَا تَكُونُوا كَالَّتِي نَقَضَتْ غَزْلَهَا مِنْ بَعْدِ قُوَّةٍ أَنْكَاثًا
«Худди ўзи тўқиган нарсасини пишиқ-пухта бўлганидан сўнг парча-парча қилиб бузиб-чуватиб ташлаган хотинга ўхшаб қолмангиз!» [Наҳл 92]
дея сифатлаган кимсалардан бўлиб қолманг. Билингки, Аллоҳ кофирларни макри билан қўшиб ўраб олувчидир, Аллоҳ Азза ва Жалла Ўз ваъдасини холис мўмин бандаларига нусрат ва ғолиблик бериш билан рўёбга чиқаради. Аллоҳ Таоло бундай деди:
إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ
«Биз росулларимизга ва мўминларга дунё ҳаётида ҳам, гувоҳлар ҳозир бўладиган Кунда ҳам албатта нусрат берурмиз» [Ғофир 51]
Ҳизб ут-Таҳрир-Сурия вилояти матбуот бўлими
Skype: TahrirSyria
Электрон почта: media@tahrir-syria.info – ahmadabdalwahab2@gmail.com
Сурия вилояти расмий сайти: www.tahrir-syria.info