Тиллерсон Сурия қирғинида АҚШнинг ролини яширишга уринди
АҚШнинг янги президенти Доналд Трамп даврида АҚШ ташқи ишлар вазири лавозимини эгаллаши кутилаётган Рекс Тиллерсон АҚШ Сенати ҳузурида нутқ сўзлар экан, Сурия қирғинида АҚШнинг ролини яширишга уринди.
АҚШ Сенати Ташқи алоқалар қўмитасида сенаторларнинг Ташқи сиёсат масалалари ҳақидаги саволларига жавоб берган Тиллерсон АҚШнинг Яқин Шарқдага нузуфузи зайифлашганини билдириб, Қўшма Штатлар минтақада ўз нуфузини қайта тиклаш учун иттифоқчилари ва дўстлари билан ҳамкорликни давом эттириши лозимлигини таъкидлади. Тиллерсоннинг сохта баёнотига кўра, АҚШ Яқин Шарқ минтақасидан бироз ортга чекингани боис жиловни Россия қўлга олган, натижада Туркия ҳам Россияга талпина бошлаган.
“Ташлайдиган биринчи қадамимиз минтақадаги анъанавий иттифоқчиларимиз ва дўстларимиз билан фаолиятимизни қайта тиклаш бўлмоғи лозим. Қайтиб келганлигимизни уларга билдиришимиз ва бу борада режалармиз борлигини тушунтиришимиз керак. Ҳозир бу ҳолимизда ҳеч нарса қила олмаймиз”, “Туркия президенти Ражаб Тоййиб Эрдоған билан ҳамкорликда иш олиб бориш лозим. Туркия бизнинг НАТОдаги эски иттифоқчимиздир. У минтақада АҚШнинг йўқлигидан ташвишга тушиб, юзини Россияга бурди. Унга биз Россиянинг доимий иттифоқчи бўлолмаслигини аниқ кўрсатиб беришимиз керак. Туркиянинг иттифоқчиси Америка Қўшма Штатларидир”, деди Тиллерсон.
Бундан аввал АҚШ Давлат департаментининг матбуот котиби Жоҳн Кирби ҳам Ҳалабнинг янгидан барпо қилиш ҳақида сўз юритар экан, Ҳалаб қирғинида АҚШнинг роли йўқлигига ишора қилиб, шаҳарни қайта тиклашга ҳисса қўшмаслигини билдирган эди. Ваҳолангки Асад ҳам, Россия ҳам АҚШнинг изни бўлмай туриб, Сурияда бир қадам боса олмаслигини ва бўлиб ўтган барча қирғинлар АҚШнинг лойиҳаси бўйича амалга оширилганлигини бироз ақли бор киши яхши билади.
Америка Россия билан тўла иттифоқ тузиб, Суриядаги барча ишларини у билан келишган ҳолда амалга оширмоқда. Ҳалабни вайрон қилиш ҳам АҚШ режасининг бир қисмидир. Россия эса Американинг қўлидаги бир таёқдир, холос. Америка бу таёқни Суриядаги мусулмонларга илмонийликни тан олдириш ва сиёсий ечимга, яъни шариатдан воз кечиб, илмонийлик билан бошқариладиган утиш даврига рози қилиш учун ишга солмоқда.
