Путин: Қирғизистонда фитосанитария назорати соҳасида муаммо бор
Россия президенти Владимир Путин ҳар йилги анъанавий катта матбуот йиғинида Қирғизистонда фитосанитария назорати соҳасида муаммолар мавжуд эканлигини маълум қилди. Путин бу фикрини Евроосиё иқтисоди иттифоқи барча аъзоларига бир хил фойда келтирмагани ва Қирғизистонда ташкилотга ишонган деҳконлар хановайрон (банкрот) бўлганини айтган журналистнинг саволига жавоб бераётиб айтиб ўтди.
“Бу мамлакат (Қирғизистон)нинг Қозоғистон ва Россия билан муомилаларида айрим қийнчиликлар бор. Қишлоқ хўжалиги соҳасида Қирғизистонда фитосанитария назорати масаласида муаммолар бор. Биз қўлимиздан келган ёрдамни бериб келяпмиз. Қозоғистон ҳам шундай қилади деган умиддамиз. Қандай қилиб бўлса ҳам биз ўз бозоримизни текширилмаган, стандартларга жавоб бермаган озиқ-овқатдан ҳимоя қилишимиз керак”,- деди Путин.
Туркистон:
“Евроосиё иқтисодий иттифоқи” деб номланган куфр системасининг тузоғи Қозоғистонга қўл келди. Россия ва Қозоғистондан бизга кириб келаётган озиқ-овқат ва хом ашёлар Қирғизистонда фитосанитария лабороторияси бўлмаса ҳам текширувсиз тўғри кириб келяпти. Демак, биз уларнинг лабороторияларига ишонч билдиряпмиз. Ўзбекистон ва Тожикистон бу иттифоққа қўшилишдан бош тортишди. Улар Қозоқ, тўғрироғи Қозоғистон чегарасидан белгиланган Евроосиёнинг фитосанитариясига боғланиб қолишмади. Илгаригидек Қозоғистондан транзит ҳаққини тўлаб ўтиб юришипти. Россияга махсулот Қозоқникими ёки Ўзбек, Тожик ёки Қирғизникими фарқи йўқ. Махсулотининг сифати ва хавфсизлик стандартлари тўғри келса бўлди.
Қозоғистон вазиятдан фойдаланиб ўзининг дехқон ва ишбилармонларини ҳимоя қилиш мақсадида, Қирғизистондан иттифоқ мамлакатлари бозорларига ўтиб бораётган баъзи махсулотларни Евроосиё иттифоқи ҳудудига киришдан ман қила бошлади. Яъни ўзида ишлаб чиқарилаётган махсулотлар ва етиштирилаётган мева, чорва ва сабзавотларни ташкиолтга аъзо давлатлар бозорига етказиб бериб, Қирғизистондан келадиганини деярли ўтказмай қўйди. Натижада Қиргиз иқтисодиёти ва халқнинг манфаатлари издан чиқиб, минглаган фуқаролар азият чекишяпти. Тикувчилик цехлари деярли тўхтаб қолди, бозорлар ёпилаяпти. Чорва моллари тўпланиб, чорвадорларни зиёнга тортиб боряпти.
Путин бу фирибгарликдан хабардор экан. Лекин у Қирғизистон учун Қозоғистонни ўртасига тушмайди. Ҳар қандай мамлакат Қозоғистоннинг ўрнида бўлса шундай қилган бўлар эди. Яъни ўз мамлакати ва фуқоросини ҳимоя қилиш учун шароити пайдо бўлганида, ўзга мамлакат ва фуқароларни камситиб, хорлаб бўлса ҳам ўз манфаатини бошқадан устун кўрган бўлар эди. Бу Қирғиз ҳукуматининг хатоси. Бу қирғиз ҳукуматини оддий элементар иқтисодий тузоқни кўра оладиган тажрибасини йўқ эканлигининг далили. Ёки очиқ ҳиёнотининг исботи.
