АҚШ: Туркия бўлмаса Сурияда муваффақият қозона олмаймиз
АҚШ Марказий кучлар қўмондони генерал Жозеф Вотел Туркиядан олинаётган кундалик дастак бўлмаса, АҚШ Суриядаги жуда кўп фаолиятларини амалга ошира олмаслигини билдирди. Вотел бу ҳақида Маркази Вашингтонда жойлашган консерватив тушунча ташкилоти ташқи сиёсат ташаббусида сўзлаган нутқида маълум қилди.
“Туркиядан келаётган кундалик дастак бўлмаганда эди, яқин ўтмишда Сурияда амалга оширган кўплаб фаолиятларимизни бажара олмаган бўлардик”, деди Яқин Шарқдаги вазиятни баҳолаган Вотел.
АҚШ Туркия ва минтақа давлатларининг хавотирларини инобатга олиши кераклигини таъкидлаган Вотел “Минтақадаги бошқа мамлакатлар каби Туркиянинг ҳам манфаатлари ва хавотирлари бор ва менимча бу АҚШ учун муҳимдир. Биз бундан бохабар бўлишимиз керак”, дея қўшимча қилди.
Айни пайда АҚШнинг кўрсатмасига биноан Ҳалабни бамбардимон қилаётган Россия дипломатлари Туркиянинг воситачилигида Сурия миллий коалицияси вакиллари билан махфий учрашув ўтказганлиги тасдиқланди. Бу махфий учрашув ҳақида Британиянинг “Финанcиал Таймес” газетаси хабар тарқатган эди.
“РИА Новости” ахборот агентлигига интервью берган Сурия Миллий коалициянинг масъули Самир Нашар мазкур учрашув Туркиянинг саъй-ҳаракатлари билан жуда эҳтиёткор тарзда уч кун давом этганлигини билдирди. Нашарга кўра, учрашувга Туркиянинг таъсири ўтадиган гуруҳлар иштирок этган. Учрашувда вакил сифатида кимлар иштирок этганлиги ҳақида маълумот бермаган Нашарнинг билдиришича, томонлар Ҳалабда БМТнинг Сурия бўйича махсус вакили Стаффан де Мистуранинг таклифига биноан ечимга эришиш учун режа ишлаб чиқишга ҳаракат қилишган.
“Лекин (музокаралар натижасида) бир келишимга эришилмади. Чунки Ҳалабда қамалда бўлган кучлар охиригача жанг қилиш ва ҳеч қаерга кетмасликка қарор қилишди”, деди Нашар.
Россия Ташқи ишлар вазири Сергей Лавров ҳам Туркия иштирокида Сурия мухолифати билан музокаралар ўтказилганлигини тасдиқлади. Лавров маълум сабабларга кўра музокаралар ҳақида маълумот бериши мумкин эмаслигини қайд этар экан, учрашув ташаббуси профессионал тарзда амалга оширилганлигини ва шу тарзда давом этишини таъкидлади.
