Текебаев: Атамбаевга импичмент эълон қилиш бўйича иш бошланди
“Ата Мекен” фракциясининг раҳбари Омурбек Текебаев Бишкекда бўлган матбуот анжуманида президент Алмазбек Атамбаевга қарши импичмент эълон қилиш учун материал тўплаш бошланганини маълум қилди.
Унинг сўзларига кўра, президент ва унинг атрофидагилар ҳокимиятни ўз қўлларида куч билан ушлаб туришипти ва “Альфа Телеком” иши бўйича мухолифтдаги сиёсатчиларнинг обрўсини тўкиш бўйича кампания олиб боришяпти.
Текебаевнинг айтишича, импичмент учун зарур бўлган хужжатларни тўплаш учун тахминан 2-3 ой кетади. Давлат ходимларининг бир нечтасидан маълумот тўплаш зарур бўлади.
“Ата Мекен” раҳбари фуқаро фаолларига, нодавлат ташкилотларига ва парламентга мурожаат қилиб, импичментни эълон қилишда ёрдам беришга чақирди.
“Президент истеъфога кетади. Бу аниқ. Унинг атрофидагилар ҳокимиятни ўз қўлларида ортиқ ушлаб қолишолмайди, бу ҳам аниқ”, – деди Текебаев.
