Ҳизб ут-Таҳрир Жакартада юзминглаган инсонларни майдонга олиб чиқди

Ҳизб ут-Таҳрир Жакартада юзминглаган инсонларни майдонга олиб чиқди

Ўтган октябр ойида Жакарта ҳокими Аҳокнинг Муқаддас Қуръон Карим ва Расулуллоҳ с.а.в.ни ҳақорат қилиши Индонезия халқининг қаттиқ норозигига сабаб бўлган эди. Ҳизб ут-Таҳрир Индонезия ҳаракатининг даъватига кўра, ҳар  жума намозидан сўнг пойтахт Жакарта кўчалари намойишлар учун саҳнага айланди. Аҳок ўзининг ахлоқсизлиги учун узр сўраган бўлса-да, бироқ бу аҳолининг ғазабини сўндиролмади. Индонезия мусулмонларининг тинимсиз ўтказган намойишлари натижа берди. Жакарта ҳокими Муқаддас Қуръон ва Пайғамбар с.а.в.ни ҳақорат қилганлиги учун жиноий жавобгарликка тортиладиган бўлди.

Аҳокка қарши юзага келган қўзғолон кучайган сари бундан хавфсираган Индонезия президенти Жоко  Видодо 6-7 ноябрь кунларига режалаштирилган Австралия  сафарини бекор қилишга мажбур бўлди ва Аҳок устидан жиноий иш қўзғатилди. Ҳизб ут-Таҳрир Индонезия ҳаракатининг даъватига биноан 4 октябр жума куни Аҳок иш юритадиган хокимият биноси ёнида тўпланган юз минглаган намойишчилар президентга қарши шиорлар кўтариб, Исломий бошқарув шакли бўлган Халифалик давлатининг янгидан барпо қилинишини талаб қилишди.

Намойиш чоғида Ҳизб ут-Таҳрир Индонезиянинг расмий нотиғи Исмоил Юсанто юзминглага инсонлар олдида нутқ сўзлаб, Жакарта ҳокими Аҳок ва президент Видадога мурожаат йўллади.

“Бугун бу ерда Пайғамбаримиз с.а.в. ва унинг амонати бўлган Қуръони Каримнинг шаънини ҳимоя қилиш учун тўпланган юз минглаган инсонлар эртага Қуръон асосида давлатни бошқарадиган Халифаликни тиклаш учун яна майдонларга чиқиб, Ислом давлатини ҳимоя қилишади”, деди жумладан Юсанто ўзининг нутқида.