Хитой ҳукумати ёш болаларга исломий тарбия беришни тақиқлади
Ислом ва мусулмонларга қарши узоқ йиллардан бери аёвсиз курашиб келаётган Хитой ҳукумати уйғур мусулмонлари ҳаётидан Исломни тамоман ўчириб ташлаш учун олиб бораётган ҳаракатидаги навбатдаги жирканч қадамини ташлади.
Бунга қадар уйғур мусулмонларига Рамазон ойида рўза тутиш, ёш болаларни масжидга бориши, мадрасаларда Қуръон ва Ҳадисдан сабоқ бериш тақиқлаган бўлса, эндиликда ёш болаларга исломий тарбия бериш тақиқланди. 1 ноябрдан кучга кирадиган янги қонунда ёш болаларни диний маросимларда иштирок этишига тўсиқ қўйилди.
Шу билан бир қаторда ота-оналарга фарзандларига “экстремистик эътиқодни сингдириш” ва “уларни экстремистик кийим-бош кийишга мажбурлаш” тақиқлаб қўйилди. Эндиликда фарзандини Ислом дини буйруқлари асосида тарбиялашга ҳаракат қилган она ёки номус сифатида сақланиши вожиб бўлган қизларини ҳижобланиб юришини истаган ота жиноий жавобгарликка тортиладиган бўлди. Мушрик ҳукумат “экстремистик кийим-бош” деганда ҳижобни назарда тутгани эса кундек равшан.
Хитой ҳукумати уйғур мусулмонларини ўз эътиқодларидан қайтариш, диний ибодатлардан тўсиш мақсадида уларга нисбатан зулмларини дунё ҳамжамияти, хусусан исломий юртлар раҳбарлари сукути остида амалга ошириб келмоқда. Мусулмон юртлар раҳбарлари ўз зиммаларидаги вожиб вазифани унитиб қўйганлари учун ҳам Хитой ва дунёдаги бошқа кўплаб давлатлар Ислом дини ва мусулмонларга қарши боришга журъат қилишмоқда.
Шундай экан мусулмонлар АҚШ йўриғи бўйича ҳаракатланадиган дунё ҳамжамияти ва унинг кўрсатмаларидан қилча ҳам четга чиқишга қодир бўлмаган исломий юртлар ҳокимларидан умид қилмай нафақат мусулмонларни, балки бутун инсониятни капиталистик тузумнинг хорлик ва исканжасидан ҳақиқий тинчлик ва хотиржамликка олиб чиқувчи исломий Халифалик давлатини қайта барпо этиш йўлида бирлашмоқлари зарур. Фақат Халифалик давлатигина нафақат Шарқий Туркистондаги балки барча исломий юртлардаги мусулмонларнинг хавфсизлиги ва ҳақ-ҳуқуқлари тўла таъминлай олади. Фақат ана шундагина мусулмонлар ҳеч кимдан ҳайиқмаган ҳолда бутун оламларни Яратувчиси бўлган Аллоҳ Таолонинг барча буйруқларини эмин-эркин бажариш имкониятига эга бўлишади.
