Россия авиаташувчи кемасини Сурияга юборди
“Интерфакс” агентлигининг ўз манбасига таянган ҳолда хабар қилишича, Россия Шимолий денгиз флоти таркибидаги “Адмирал Кузнецов” авиаташувчи кемасини Ўрта ер денгизининг Сурия соҳилларига сафарбар этди. Уни бир нечта жанговар қўриқчи кемалар кузатиб боради.
“Адмирал Кузнецов” крейсери етакчилигидаги корабллар гуруҳи узоқ сафарга чиқмоқда”,- деган манба.
Манбанинг сўзларига кўра, Россиянинг ягона авианосеци мамлакат Ҳарбий денгиз флоти (ҲДФ)нинг Ўрта ер денгизидаги доимий бирикмаси таркибига бориб қўшилади.
Агентликнинг қайд этишича, ушбу сафар 4-5 ой давом этади. “Адмирал Кузнецов”нинг бортида энг янги МиГ-29КР ва МиГ-29КУБР қирувчи ҳамда Су-33 самолётлари бор. Бундан ташқари, крейсер учун Ка-52К “Катран” жанговар вертолётлари ҳам ҳозирлаб қўйилган.
Айни вақтда Ўрта ер денгизида Россиянинг 10га яқин кемаси мавжуд.
Аввалроқ, ҳарбий эксперт, истеъфодаги генерал-полковник Леонид Ивашов “Интерфакс”га берган интервьюсида, Россия ўзининг янги тарихида биринчи марта кемадаги авиациясидан машғулотларда эмас, жанговар ҳолатда фойдаланишини айтган эди.
