Ишга қайтган Атамбаев Мудофаа кенгаши котибини қабул қилди
13 кун мобайнида аввал Туркия, кейинчалик Россияда даволаниб Қирғизистонга қайтган президент Алмазбек Атамбаев ўзининг иш фаолиятини Мудофаа кенгаши котиби Темир Жумақодировни қабул қилиш билан бошлади.
Хабар қилинишича, учрашувда президентга давлат органларининг миллий хавфсизлик соҳасида ва давлат мудофаа қувватини кучайтириш бўйича амалга оширилган чора-тадбирлар тўғрисида маълумот берилди.
Бундан ташқари, Жумақодиров Атамбаевга чегара хавфсизлиги ва чегара масалаларини миллий манфаатларни ҳисобга олган ҳолда хал этиш бўйича ҳисобот берди.
Учрашувдаги асосий эътибор одатдагидек, мамлакатдаги диний вазиятни изга солиш, ҳуқуқни мухофаза қилиш органларини реформалаш ва коррупсияга қарши кураш масалаларига қаратилди.
Туркистон:
Атамбаевнинг ички ва ташқи сиёсатдаги аҳволи яхши эмас. Баъзи бир жиҳатларини олиб қараганда, унинг ҳолати Украинанинг собиқ призиденти Януковичнинг ҳолатини эслатади. У ҳам Путинни этагини маҳкам тутиб олиб, халқининг манфаати учун мустақил харакат олиб бормай, туриб олган эди. Аммо Путин уни сақлаб қола олмади.
Атамбаев вазиятни ўзгартириб, уни ислоҳ қилмаса, Путин уни ўрнига яна бошқа алтернатив етакчи излай бошлайди. Ундай қилмаса, рангли революция томон вазиятлар юриб кетиши мумкин. Бу сафарги Қирғиз раҳбарини алмаштиришни тинч ва розиликлар ҳамда сиёсий мувозанатни сақлаб қолган ҳолда амалга оширишга ҳаракат қилишади. Лекин кечаги Озодлик радиосидан Қ. Батировнинг чиқиши Ғарб олами ҳам Қирғизистоннинг ички сиёсатига жиддий аралашиш ниятида эканини кўрсатди. Ҳозирча Қирғиз элитаси тўлалигича Ғарб томонига оғиб ўтиб кетгани йўқ. Лекин вазият ўнгланмаса, Қирғизистонда нотинчликлар кучайиб бораверади. Атамбаев ишни хавфсизликдан бошлаганининг ўзи буни кўрсатиб турибди.
