Суриядаги вазият Исроилни хавотирга солмоқда
Исроил хавфсизлик хизмати “Шин Бет”нинг собиқ раҳбари Ави Дихтер Суриядаги вазият оғирлашиб бораётганини билдирди. Дихтерга кўра, минтақада мавҳумлик ҳукмрон. Олдиндан айтиш қийин бўлган жуда кўп ўзгаришлар юз бермоқда.
“Сурияда сўнгги беш йил ичида тўхтатишнинг имкони бўлмаган жанглар давом этмоқда. Исроил ҳам Жўлон тепалигида ўз ҳужумларини давом эттиряпти. Таҳдидларга қарши баъзан ҳаводан, баъзан қуролли тарзда қарши турибди. Разведка борасида ҳам Исроил минтақадаги яқин қўшнилари ва Россия воситасида махсус алоқа канали ташкил қилди. Бироқ бу ерда катта мавҳумлик мавжуд. Ғарб ва Араб давлатлари иложи борича тезроқ Асадни ағдариш лозимлигини олға суришаётган эди. Аммо ишлар бу шаклда юз бермади”, деди Исроил газетасига интервью берган Дихтер.
Исроил разведкасининг “Қора қути”си сифатида танилган Ави Дихтер хусусан минтақадаги хавфсизлик ҳақида сўз юритар экан, ибронийча “Балаган” сўзини ишлатди. “Балаган” сўзи салбий ҳодисалар юз берган пайтларда ишлатиладиган сўздир.
Минтақадаги мавжуд вазият тулиғича тартибсиз ҳолатда эканлигини таъкидлаган Дихтер “сўнгги кунларда Туркия шимол тарафдан катта ҳаракат бошлади. Россия ҳам Эроннинг базалари орқали Сурияни ўққа тутяпти. Минтақада олдиндан айтиш қийин бўлган жуда кўп ўзгаришлар юз бермоқда”, дея қўшимча қилди.
