Россия билан битим тузиш Туркистон ва Сурия қочқинларига жуда қимматга тушмоқда!
2016 йил 9 август сешанба куни президент Эрдоган кўп сонли делегация билан Россияга сафар қилди. Учоқ бўҳрони сабабли Туркия-Россия муносабатлари бузилиши ортидан бу сафар чоғида икки давлат ўртасида қурилиш, сиёсат, энергетика ва савдо соҳаларида бир неча битимлар қайта имзоланди. Шундай бўлса-да, бироқ айни зиёратда кўпроқ аҳамиятга молик мавзу, шубҳасиз, Сурия бўлди. Делегация томонидан алоҳида йиғинда Сурия масаласи хусусида музокаралар муҳокама қилинди.
Маълумки, Туркия-Сурия ўртасидаги айни битимнинг асосий муҳим мавзуси Сурия масаласидир. Чунки муносабатларнинг бузилишига Туркиянинг Сурия билан чегарадош ҳудудида Россия учоғини уриб туширилгани сабаб бўлганди. Ҳозир айни муносабатларни яхшилашга ундаган асосий сабаб яна Сурия масаласи бўлиб қолмоқда. Гап шундаки, АҚШ Асад режимини қўллаб-қувватлаб, сақлаб қолишга қаттиқ ҳаракат қилмоқда. Амалда у айни шу мақсадда Эрон ва унинг Ливандаги Ҳизбидан, Россиянинг Шом аҳлига қарши тўхтовсиз амалга оширган ҳаво ҳужумларидан, Риёз ҳамда Женева музокараларидан фойдаланди. Бироқ бу уринишларнинг барчасида Сурия халқини тиз чўктиришнинг уддасидан чиқолмади. Энди эса, Америка янги режа тузмоқда ва буни Туркия билан Россиянинг Сурияда терроризмга қарши курашдаги ҳамкорлиги орқали амалга оширмоқчи. Шу йўналишда, энди Туркия билан Россия ўртасида Сурия масаласида ҳамкорлик қилиш ривожланади. Бунга Туркия ва Россиянинг рози бўлиш-бўлмаслигининг аҳамияти йўқ. Чунки айни учрашувнинг эгаси ҳам, режалаштирувчиси ҳам Америкадир.
Жорий йилнинг март ойида Эрдоган АҚШ сафари чоғида CNN канали орқали Кристиан Аманпурга берган интервьюсида «айни амалиётга етакчилик қилаётган Қўшма Штатлардир», деган эди. Кейинчалик «Туркия коалиция кучларининг фаол қисми бўлишни истайди», дея қўшимча қилди. Мана, бугун ҳам Россия сафари олдидан у «Сурияда тинчликка эришиш учун энг муҳим қадамни қўювчи ҳам, асосий вакил ҳам Россиядир», дея баёнот берди. Яқиндагина Эрдоган «Россия Сурияда нима қиляпти, ахир, у билан чегарадош бўлмаса?», деган гапни бир неча бор гапирганди. Бугун эса «Ишонаманки, биз – яъни, Россия билан Туркия – Сурия масаласини биргаликда қадам ташлаш билан ҳал қилмоғимиз даркор», деб айтмоқда…
Эрдоган сўзларидаги бундай ўзгариш ва унинг шошаётгани шунга далолат қиладики, Сурия масаласида қарор чиқарувчи ҳам, ҳатто амал қилувчи ҳам Эрдоган эмас, балки бундай шошишга уни мажбур қилаётган Америкадир. Чунки Россия раҳбарлари билан Туркия раҳбарлари Сурия масаласида асосий ўйинчи АҚШ эканини яхши билишади.
Эй Туркия ҳукмдорлари!
Нега Ислом ва мусулмонларни сиёсий ишларингиз доирасига киритмайсиз?! Нега шу мустамлакачининг режасини амалга оширасиз, ахир, у фақат ўз режаси бўйича ҳаракат қиляпти ва сизни қўллаб-қувватламадику, сиз бўлсангиз юртингиздаги инқилоб уриниши ортидан ундан қўллаб-қувватлов кутдингиз?! Нега ҳамон ўшаларни рози қилишга, ўшаларнинг ёвуз режаларини бажаришга қизиқасиз?! Қандай қилиб Россияни дўст тутиш мумкин, ваҳоланки, бу давлат Туркистон мусулмонлари билан Сурия мусулмонлари бошига тушаётган зулм, репрессия ва қирғинни – тўғри иш, шунга улар лойиқ, деб ҳисоблайдику?! Сиз у билан битим тузишга ҳаракат қилаётган бир пайтингизда, Сурияда юзлаб бегуноҳ инсонларни, гўдакларни қирғин қилаётган шу давлат эмасми?! Роббингизни ушбу каломини эшитмаганмисиз?!
يَا أَيُّهَا الَّذِينَ آمَنُواْ لاَ تَتَّخِذُواْ بِطَانَةً مِّن دُونِكُمْ لاَ يَأْلُونَكُمْ خَبَالاً وَدُّواْ مَا عَنِتُّمْ
«Эй мўминлар, ўзингизни қўйиб, (кофиру мунофиқларни) сирдош дўст тутманг. Улар сизга зарар етказишда кучларини аяшмайди ва ёмон ҳолга тушишингизни орзу қилишади» [Оли Имрон 118]
Эй мусулмонлар, эй Туркиядаги қочқинлар!
Сиз Аллоҳни ва У Зотни дўст тутганларни дўст тутинг, Аллоҳ ва мусулмонларнинг душманларини эса душман деб билинг. Пайғамбарлик минҳожи асосидаги иккинчи рошид Халифалик барпо этилишига оид Аллоҳнинг ваъдасидан, Росули Aнинг башоратларидан асло ноумид бўлманг. Қаранг, барча мусулмон зулму истибдоддан – ҳатто ўз юртларида ҳам – азият чекмоқдалар. Чунки улар Аллоҳ нозил қилмаган қонунлар билан бошқарилмоқда. Бас, Туркиядаги мазлум ва қочқин мусулмонлардан воз кечиш учун мана шунинг ўзи кифоя! Сиз ўз юртингизда бўлаётган зулму репрессиядан қочиб, усмонийлар авлодларидан ёрдам сўраб келдингиз. Шунга қарамай, Туркия-Россия ўртасида имзоланган савдо битимлари сабабли Туркиядан қувиб солиниб, рус айиғи қўлига топширилмоқдасиз. Аммо унутмангки, Аллоҳ Азза ва Жалла Ҳабашистонга ҳижрат қилган саҳобаларни Ўзининг назоратидан, қўриқчилигидан холи қўймади, уларни Мадинаи Мунавварада Ислом давлатини бўрпо этиш билан ҳимоя қилди. Сизларни ҳам Аллоҳ, Ўз изни ила, Пайғамбарлик минҳожи асосидаги рошид Халифалик давлатини барпо этиш билан албатта ҳимоя қилади. Бас, баслашувчи кишилар мана шундай мангу бахт саодат учун баслашсинлар!
Ҳизб ут-Таҳрирнинг Туркиядаги матбуот бўлими
Web: www.hizb-turkiye.org
E-Mail: bilgi@hizb-turkiye.org