Оқ уй: биз Москва билан Сурия масаласида ҳарбий томонлама мувофиқлашмаймиз
Сурия масаласидаАмерика билан Россия ўртасидаги ҳамфикрликка ва ишлар мувофиқлаштирилганига қарамай, Қўшма Штатлар одатдагидек, ҳақиқатларни сохталаштирмоқда
Ўтган пайшанба Оқ уй Қўшма Штатлар Суриядаги амалиётларида Россия билан мувофиқлашмаслиги ҳақида гапирди.
Оқ уй матбуот воизи Жош Эрнест матбуот йиғинида «Ҳозирда Қўшма Штатлар Россия билан ҳеч қандай ҳарбий мувофиқлашув олиб бораётгани йўқ», деди.
У яна «Биламан, буни амалга ошириш учун келишувга эришиш мумкинлиги тўғрисида айрим башоратлар ҳам бор, лекин бунинг амалга ошиши қоронғу», дея қўшимча қилди.
Бунинг муқобили ўлароқ, «Россия» ахборот агентлиги Россия ташқи ишлар вазирлиги матбуот котиби Мария Захаровага таянган ҳолда, Кремьл Сурия билан боғлиқ Россия билан Америка армиялари ҳамкорлигининг таранглашишидан норози эканини билдирди.
Америкалик масъуллар билдирган шубҳаланишларга қарамай, АҚШ ташқи ишлар вазири Жон Керри ўтган пайшанба Сурияда ИШИД ва ал-Қоида ташкилотларига қарши ҳарбий ҳамкорликни кучайтириш ҳамда руслар билан маълумот алмашиш соҳасини мустаҳкамлаш таклифи билан Москвага борди. (Ҳаёт газетаси).
