Муҳаммад Али ўтган асрнинг олтмишинчи йилларида Америкада ирқий можаро авжига чиққан бир пайтда Исломни қабул қилган машҳур шахслардан биридир. Унинг мусулмон бўлиши минглаган қора танли ёшларнинг Исломга киришига сабаб бўлди. Албатта уларни Исломга жалб қилишда Муҳаммад Алининг ҳиссаси катта эди.
Бокс қироли дунё бўйлаб элликдан ортиқ мамлакатда фаолият олиб бораётган Ҳизб ут-Таҳрирнинг фаолияти билан танишишга ҳам муваффақ бўлди. “Исломий ҳаётни қайта бошлаш” ва “Халифалик” тушунчаларининг бутун Ўрта Осиёга кириб келишига сабабчи бўлган Ҳизб ут-Таҳрирнинг фаол аъзоларидан бири доктор Мухаммад Малкавий бокс қироли Муҳаммад Али билан учрашувини шундай хотирлайди:
“Мен Муҳаммад Али билан Чикагонинг жанубий қисмида жойлашган унинг муассасига қарашли “ал-Фатир” масжидида учрашдим. Жума намозида менинг хутбамни эшитган Муҳаммад Али намоздан сўнг мен билан суҳбатлашиш учун кутиб турган экан. Ўша кунги хутбам Халифалик давлатининг қашшоқлик ва ирқчиликка барҳам бериши ҳамда инсонларни қулликдан озод қилиши ҳақида эди. Халифалик давлати ҳақидаги хутбани тинглаган Муҳаммад Али агар бизга ёрдам керак бўлса, ёрдам беришга тайёр эканлигини билдирди. Йигитларимиздан бири кутилмаганда ҳозиржавоблик билан “албатта эй чемпион, сизнинг ёрдамингизга эҳтиёжимиз бор. Сиздан Исломий ҳаётни қайта бошлаш ва Халифалик давлатини тиклаш учун фаолият олиб бориш муҳимлигини барча мусулмонлар орасида тарқатишингизни истардик”, дея жавоб берди. Буни эшитган Муҳаммад Али “Молиявий тарафдан ёрдам қилсам бўлмайдими?”, дея такрор сўради. “Йўқ, молиявий тарафдан кераги йўқ”, деган жавобни олган Муҳаммад Али ҳайратини яширмай “ҳаётимда биринчи марта мендан пулдан бошқа нарса талаб қилинди. Мен жуда хурсанд бўлдим”, деб юборди. Шундан сўнг Муҳаммад Али Ҳизб ут-Таҳрир йигитларига Халифалик ҳақида хутбалар қилиш ва ўзаро дарслар, халқалар ўтказиш учун узоқ йиллар мобайнида масжидидан фойдаларишга имконият яратиб берди. Аллоҳ Таоло охиратда бу яхшиликларини ўзига ҳамроҳ қилсин”.
