АҚШ ва НАТОга аъзо давлатлар келгуси тўрт йилда Афғонистон армияси ва полицияси учун 15 млрд доллар ажратишни режалаштирмоқда. Бу ҳақда шанба куни “Washington Post” нашри хабар берди. Бу ҳақдаги қарор июл ойида Варшавада бўлиб ўтадиган Шимолий альянс саммитида қабул қилиниши кутилмоқда.
“Қўшма Штатлар ва унинг иттифоқчилари афғон хавфсизлик кучларини молиялаштириш учун 2020 йилга қадар 15 млрд доллар йиғишга ҳаракат қилмоқда. Ушбу маблағнинг қарийб 10,5 млрд долларини АҚШ ажратади”, – дейди Америка расмий вакили хабарига асосланиб Washington Post нашри.
Айни вақтда афғон армияси ва хавфсизлик кучларининг сони 300 минг кишидан кўпроқни ташкил қилади. Бундан ташқари, мамлакатда НАТО давлатларининг 12 минг ҳарбийси жойлашган бўлиб, улардан 10 мингга яқини америкалик ҳарбийлардир. Бу кучларга қўмондонлик қилувчи генерал-лейтенант Жон Николсон ҳозирда АҚШ мудофаа вазири ва президентига Афғонистонда яқин йилларда бу кучларни қандай миқдорда қолдириш масаласи бўйича тавсиялар тайёрлашни якунламоқда.
Туркистон:
АҚШ Афғонистонга уриш очиб, бир неча йилларда шармандали мағлубиятга учради. Энди у Афғон халқидан иборат ҳарбийларни сотиб олиб, улар воситасида мусулмонларга қарши урушни давом эттирмоқчи. АҚШ моҳирлик билан урушни ўзидан узоқлаштириб, мусулмонлар ортига ўтиб олиб, вазиятни мусулмонлараро урушга айлантириб олаяпти. У ваъда қилаётган доллар эса, вақтинча қийматга эга бўлган ва АҚШ тўхтамай босиб чиқараётган бир қоғоздир холос.
Афғон армиясига хоинликни таклиф қилиб, унга ваъда қилаётган миллиардлаган доллорлари ўзи майдрнга кириб, мусулмонларга қарши урушаётганида сарфлаганидан бир неча ўн баробар озроқдир. Бундан ташқари, минглаган қурбон бўлаётган Америкалик аскарлар муаммоси ҳам бор эди. АҚШ бир ўқ билан бир неча қуённи уриб олмоқчи бўлаяпти.
АҚШ 2014 йилдан бошлаб, мусулмонларнинг қўли билан Исломни ва унинг ҳимоячилари бўлган мусулмонларни даф қилиш сиёсатини бошлади. Бундан ташқари АҚШ ўзининг ҳамкорлари бўлган бир неча куфр мамлакатларини ҳам мусулмонларга қарши йўналтириб бораяпти. Бунга мисол қилиб Россия ва Европа давлатларини келтириш мумкин. Путин охирги баёнотида АҚШнинг ягона оламий “держава” давлати деб тан олибди. Путин шунингдек “Американи бошқа давлатларнинг ички ишларига аралашиши тўғри эмас. Яқин Шарқда бораётган урушлар ва Россияга қўйилган санкциялардан АҚШ ҳеч қандай зарар кўрмаяпти. Бу санкциялар фақат Европа ва Россияни ҳолдан тойдириб бораяпти”, дея таъкидлаб ўтди.
Яқинда Ислом олами оёққа туради. Буни ҳеч қандай қувват тўхтатиб қола олмайди, инша Аллоҳ. Вазият ўзгармай тураверса, Европа ва Россиянинг бугунги кўраётган зиёнлари ҳеч нарса бўлмай қолади. Ташқи исломий қувватнинг таъсиридан ташқари улар ўзининг ичидан портлаб кетади. Чунки Америка уларни қийин аҳволга солиб қўйиб, мусулмонларга зулм қилишга мажбур қилаяпти. Булар эса, АҚШдан нажот кутиб, мусулмонларга қарши жирканч ва ифлос ишларни амалга оширишяпти.
Афғонистон ҳукумати ва армияси ҳам, куфр давлатлари қилаётган хатоларни такрорлаяпти. У ҳам АҚШга умид боғлаб, ўзининг биродарларига қарши курашга рози бўлаяпти. Яқин Шарқ ва Марказий Осиё мамлакатлари ҳам, худди шундай аҳволда сиёсат олиб боришаяпти. Уларнинг барчаси ҳарбий, сақофий, сиёсий ва иқтисодий жиҳатларда куфр билан ҳамкорлик қилишга келишиб олишди. Куфр олами эса улардан асосан Ислом тузумини ҳаётга кириб келишида, ўзига қалқон бўлиб беришни талаб қилаяпти.
Оламий глобаллашган халқаро система Ислом ва мусулмонларга қарши зулмларини Афғонистон ва Сурияда ҳарбий қуввати воситасида қатли омм қилиш йўли билан олиб боряпти. Яқин Шарқда, иқтисодий мустамлака сиёсатини кучайтириб бориш йўли билан бораяпти. Қирғизистон ва Қозоғистон каби давлатларда сақофий ва мафкуравий босим бериш учун матбуот урушини кучайтириб бораяпти. Ўзбекистон ва Тожикистонда эса, авторитар режимлар пайдо қилиб, мусулмонларга нисбатан ўта қаттиққўллик сиёсатини қўллаб қувватлаяпти. Бу услублар ҳар хил йўналишда бораётган бўсада, мақсад ва моҳияти бир томонга қаратилган. Яъни, оламий куфр системасини сақлаб қолиш ва исломий мабдаий системани жамиятларга кириб келишини мусулмонларнинг воситасида тўсиб қолиш ёки мумкин қадар ортга суриб туриш.
Хулоса қиладиган бўлсак, барчамиз, яъни дунё мусулмонларининг барчаси куфр системасининг қурбони бўлиб турибмиз. Куфр олами исломий мамлакатларнинг ҳар бирига ҳар хил тармоқлардан ва услублар билан зарба бериб келишаяпти. Лекин мақсадлари ва услублари деярли бир хил. Яъни, аввал бизларни юртларимизда, ўзларига мухтож қилиб ушлаб турадиган қашшоқлик ҳолатини пайдо қилишади. Кейин ораларимиздан худбин ва хиёнатга моил мусулмонларни ажратиб олишади. Сўнгра уларга салтанатни олиб бериб, бизнинг молу мулкларимизни талон тарож қиладиган шароитлар яратиб беришади. Ана ундан кейин бу хоин ва ғаламисларга юқоридагидек миллиардлаган доллорларни таклиф қилишади.
