Қирғизистонга расмий сафар билан келган Европа ташқи фаолият хизмати бош котиби Ален Ле Руа билан учрашув вақтида Алмазбек Атамбаев 2017 йил охирида ўтказиладиган президентлик сайловида европалик ҳамкорларнинг далдасидан умид қилаётганини маълум қилди.
Атамбаев Европа Иттифоқига 2015 йили ўтказилган парламент сайловларининг шаффоф ва ҳаққоний ўтишида кўрсатган мадади учун миннатдорчилик билдирган.
Ўз навбатида Ле Руа Европа Иттифоқи “Қирғизистонда демократия мустаҳкамлиги йўлидаги ҳаракатларини давом эттириши” ҳақида гапирган. У республика билан икки томонлама муносабатлар ривожланишидан ЕИ манфаатдорлигини қайд этиб ўтди.
Ташқи ишлар вазири Эрлан Абдилдаев билан учрашувдан сўнг бўлиб ўтган брифингда Ален Ле Руа Европа иттифоқи Қирғизистонда лаборатория очиш масаласини кўриб чиқаётганини ЕИ 2020 йилга қадар Қирғизистонга 200 миллион евро ажратишини маълум қилди.
“2020 йилгача барча маблағ ажратиб берилади”,- деди Ле Руа.
Ташқи ишлар вазири Эрлан Абдилдаевнинг сўзларига кўра, икки йил олдин кўп йиллик дастур тузилган бўлиб, бу дастур доирасида ЕИ қонун устуворлигини қўллаб-қувватлаш, таълим соҳасида реформа ўтказиш ва олис қишлоқ жойларига ёрдам кўрсатиш учун 186 миллион евро ажратиши кўзда тутилган.
“Бундан ташқари, ЕИ сайлов тизимини қўллаб-қувватлаш учун яна 13 миллион евро ажратади”,- деди Абдилдаев.
Вазирнинг қайд этишича, бу маблағ президентлик сайловини ўтказишга сарфланади.
Туркистон:
Сайлов масаласида ташқи ёки ички кучлардан ёрдам сўраш ва сайловни ўша кучлардан олинган маблағлар билан ўтказиш нотўғридир. Сайлов аслида умумий миллатнинг даромади бўлган хукумат маблағига ўтиши керак. Чунки, бу халқ сайлови бўлгани учун уни бошқа кучларнинг маблағи билан ўтказилишининг ўзиёқ бу сайловнинг нохақ ўтишига далолат қилади. Хар қандай сайловга хомийлик қилаётган куч сайловда халқ томонидан шахсларга берилаётган салтанатга кўз тикади. Улар ўз манфаатини рўёбга чиқариш учун босим қилишади. Акс холда сарфланган маблағлардан бу хомийларга манфаат йўқ. Улар “сайловдаги демократик кўринишларнинг ўзи биз учун манфаат” дейишлари аниқ. Лекин шунда хам улар қуруқ демократик жароённинг ўзидан кифояланиб қолишмайди.
Сайлов хомийлари, айтайлик ЕИ Қирғизистондаги сайловлардан икки манфаатни умид қилади. Биринчиси, Қирғиз элитасини мумкин қадар Ғарб дунёқараши томон тортиб, уларни хокимиятга олиб келиш ёки мавжуд хукуматга ўз таъсирини ўтказиш ишини кучайтириш. Иккинчиси эса, сайловни исломийлашиб кетишини олдини олиш. Чунки сайловнинг исломийлашиб боришида халқнинг ва сиёсатчиларнинг нуфузли тарафи Ислом ва мусулмонлар тарафида бўлади. Чунки бутун оламда ва шунингдек Қирғизистонда хам Ғарб мафкураси Ислом мафкураси қаршисида мағлуб бўлди. Улар моддий ва харбий босим беришдан нарига ўта олишмайди. Бу жараён исломий хукмларга олиб бормаса хам, жамиятни сезиларли даражада исломийлашиб кетишига сабаб бўлади. Бу эса, устимиздаги мустамлакачи мамлакатларни таъсирини заифлаштириб юборади.