Туркистон:
Қирғизистон призиденти Алмазбек Атамбаев 30 май куни ички ишлар вазири Тургамбаевни ишдан бўшатди. Илгарироқ, навбатдаги бош ваъзир Темир Сариевни ишдан олиб ташлаган эди. Турганбаев ҳам худди Жаниш Бакиев сингари Ислом дини ва мусулмонларга жуда катта зулмлар қилди.
Лекин бу вазирлар рокировкаси, бошқарув системасидаги махфий олиб борилган бир қатор коррупцион амалиётлар мувоффаққиятсизликка учраганида ёки тафтиш қилиш вақти келиб қолганида амалга оширилади. Чунки бу вазирлар ва барча бошқарув апарати омонликда қолишлари учун умумий бошқарув аппарати ўз ўрнида сақланиб туриши керак. Улар бир бирлари билан чамбарчас боғланишган. Бу мафия системасига ўхшаб кетадиган кўринишдаги аппарат бўлиб, бир икки етакчининг четга олиб туриш билан бутун бошқарув системаси сақлаб турилади. Лекин уларнинг ҳар бири алоҳида тармоқларда олиб боришаётган барча коррупцияли амалиётлар бамаслаҳат ва ўзаро розиликлар остида олиб борилади.
2010 йилдаги миллатлараро урушидан кейин Қирғизистонга кириб келаётган гуманитар ёрдам маҳсулотларини тақсимлаш ишларига етакчи бўлиб туриб, лавозимини суиистимол қилган Жонтўра Сотиболдиев жазоланиш ўрнига бош вазир қилиб сайланди. Кейинроқ у, лавозимидан воз кечиб бўлса ҳам, Қумтор компаниясидан йирик маблағ пора олиш эвазига Қирғизистоннинг зарарига бир қатор ҳужжатларни имзолаб берди. Сўнг у ҳам ишдан четлатилди. Лекин у имзолаган ҳужжатлар қувватини йўқотгани йўқ.
Ўша уруш вақтида, қочиб бораётган Ўзбек қочқинларини тўнаб, ҳаромдан бойлик орттирган орган ходимларидан бири бўлган Курсан Асанов урушдан бироз ўтиб депутат бўлди. Ҳозир у вазир ловозимида. Бу шахслар ҳам вақти келиб ўз қилмишлари учун хотиржамликларини йўқотишади албатта. Чунки буларнинг жиноятлари учун шароитлар яратиб берган ва уларга ҳомийлик қилиб турган етакчи гуруҳ вакиллари бир кун ишдан кетишлари муқаррар. Улар буйруқларни оғзаки берганликлари сабаб, асосий жавобгарлик бевосита зулмлар уюштирган, ифлос амалиётларни амалга оширган ижрочи қатлам вакиллари зиммасига тушади.
2010 йилда Турганбаев ва Сариевлар уюштирган №50 қамоқхонадаги “кераксиз гувоҳларни ўлдириш” амалиёти кутилган натижани бермади. Амалиёт чизилган режалар доирасидан чиқиб кетти, ўнлаган бегуноҳ инсонлар ҳаётдан кўз юмди. Бутун дунё ва қирғиз фуқоролари бу амалиёт ҳукумат ва ИИМ томонидан уюштирилганини англаб қолишди. Ҳозирда бу жиноий иш устида суд жараёни дамом этяпти.
Бу етакчиларни алмаштирилиши орқали уларни ўринларига кўз тикиб, баъзи тафтиш ва жиноий элементларни қидириш ишларини олиб боришаётган сиёсатчиларга барҳам берилади. Чунки, ўзини ҳақиқатпарвар қилиб, вазирларни муҳосаба қилаётган барча сиёсатчилар фақат шахсий манфаатлари учун сиёсий популистик баёнотлар ва ҳаракатлар олиб боришади. Шунинг учун бу рокировкалар шахсларни алмаштириш билан сиёсий доирани ҳам, бошқарув системасини ҳам, идиологик дунёқарашни ҳам ўзгармаган ҳолда ушлаб қолади ва давом эттирилаверади. Ўзгарган нарса фақат бир неча сиёсий ёки ижроий шахслар бўлади халос.
Четлатилган вазирларнинг деярли бирортаси жазоланишмайди. Бир оз матбуотда шов-шув олиб борилади. Кейин улар унутилишади ва яна кейинги сайловларда ҳеч нарса бўлмагандек чиқиб келаверишади. Уларнинг жиноятларини очиб ташлаш улар устида турган етакчилар учун ўта хавфли. Чунки бу ошкоралик худди ўзининг кетини очиш билан баробардир. Яхшиси улар бир-бирлари билан махфий келишиб олишади.
