Чуй вилоятида бўлган учрашувларнинг бирида Қирғизистон махсус хизмати ходимларидан бири маҳаллий аҳолини мамлакатда террорчилик амалиётлари содир бўлиш эҳтимоли борлиги, хусусан Қантдаги Россия ҳарбий базаси биринчи нишонга айланиши мумкинлигидан огоҳлантириб ўтди.
Бундан ташқари бир қатор экспертларнинг фикрича, “Исломий давлат” ташкилотининг сўнги вақтларда Марказий Осиёга эътиборини кучайтириб, сафига одам ёллаш ва даъват усулларини ўзгартира бошлади.
Куч органлари ҳисобича, айни вақтда Чуй вилоятидан Сурияга кетган фуқаролар сони 60дан ошиб кетди. Уларнинг орасида оила, бола-чақасини бирга олиб кетганлар бор.
Чуй вилояти қозиси Мақсат Укуев шу муносабат билан вилоятда радикализмни олдини олиш, тушинтириш ишлари тинимсиз олиб борилаётганини айтиб ўтди.
“Чуй вилоятида 370 имом бор. Барча ерга илмли имомларни қўйганмиз. Уларнинг билим даражасини ошириш учун бир ойлик, икки ҳафталик қисқа муддатли курсларни уюштириб, экстремизм- терроризм оқибатлари ҳақида лекциялар ўқиб беряпмиз. Бундан ташқари даъватчиларимизни ҳам ўқитиб, билим даражасини ошириб келяпмиз”,- деди Укуев.
Махсус хизмат ходимлари Чуйда маҳаллий аҳоли билан бўлган учрашувларнинг бирида расмий Москвани Сурияда олиб бораётган ҳарбий ҳаракатлари сабабли “ИШИД” ташкилоти Қантдаги Россия ҳарбий базасига ҳужум қилиш эҳтимоли борлигидан огоҳлантириб, одамларни огоҳ бўлишга чақирди.
Хафсизлик масалалари бўйича бош вазирнинг собиқ ўринбосари Абдураҳмон Маматалиевнинг фикрича, бундай таҳдид мавжуд эканлиги куч органларига маълум.
“Аввалроқ улар (ИШИД) Афғонистон сингари давлатларга эътибор қаратишган бўлса, сўнги вақтларда КХШТга кўпроқ эътибор бера бошлашди. Бундан ташқари минтақадан борган одамларни бир-бирига қарши қўйиб, мафкурасини ўзгартира бошлашди. Сурияда “Ислом давлати” ташкилоти Россиянинг ҳаво ҳужумларидан талофат кўриб келмоқда, шу сабабли фақат бизда эмас, Россиянинг барча ердаги ҳарбий базаларига, бевосита ўзига эътибори кучайиб бормоқда. Буни биз ҳам, Москва ҳам билади”,- деди Маматалиев.
Таҳлилчи Искандар Ўрмон ўғлининг фикрича, “Ислом давлати” террорчи ташкилоти ҳар тарафдан қисувга олиниши ортидан кирими ҳам, одам ресурслари ҳам озая бошлади. Шу сабабли сафига одамларни жалб қилиш усуллари ўзгарди.
“Бир тарафдан қаттиқ қисувга олинди, ҳужумлар кўпайиб тарқалиб кета бошлади. Иккинчи тарафдан молиявий кирим йўллари беркилиб қолмоқда. Шу сабабли одам ресурслари ҳам камайиб кетмоқда. Одам ресурсларини тўлдириш учун шу вақтга қадар қўллагана усулларини ўзгартириб, кучайтириб келишмоқда. Бундан Марказий Осиё мамлакатлари ҳам четда қолмайди”,- деди Искандар Ўрмон ўғли.
Туркистон:
Бу каби фикрий етаклаш услуби фақат шу мақсадни амалга оширишни реъжалаштираётган тарафлар томонидан ишлаб чиқилади. Яъни улар фуқороларни кутилаётган қўпорув амалиётларидан огоҳлантира бошлашади. Мақсадлари, ўзлари томонидан таёрланиб бораётган шу каби амалиётларида бошқа томонни айблаш учун атайин матбуот ҳужумларини кучайтиришдир.
Бу АҚШнинг, бутун оламда олиб борадиган матбуот ҳужум стротегияси бўлиб, уни Қирғизистон ҳам қўлламоқчи ёки АҚШ махсус хизматларининг маълумотларига таяниб ваҳимага тушиб бораяпти. Худди шу каби ваҳималар ортидан, 1990 йиллар Путиннинг командаси Россияда бир қатор қўпорув амалиётларини уюштиришиб, Россияда ўз режимини пайдо қилиб олишган эди. Қирғиз етакчи қатлами ҳам, худди Путин сингари АҚШ маслаҳат бераётган бу ифлос услубдан фойдаланишга ҳаракат қилмокчи шекилли. Мусулмонларни номидан бир қатор қўпорув амалиётлар уюштириш орқали бир қанча қурбонлар бериб, халқни нафратини мусулмон жамоаларга қарши йўналтирмоқчи бўлишади. 2015 йилдаги, № 50 сизодан 9 нафар маҳбуснинг қочиши билан бошланган амалиёт, 14 нафар инсоннинг ўлими билан якунланди. Бу амалиёт Қирғиз куч орган ходимлари томонидан уюштирилгани аниқ бўлиб қолганига қарамай бирорта инсон жазога тортилгани йўқ.
Энди яна янги ва ифлос амалиётларга таёргарлик бошланаётганга ўхшайди. Огоҳ бўлайлик, улар мусулмонларни номидан яна иғво ва бўҳтон ишларини уюштириш учун халқни таёрлай бошлашди. Балки АҚШ Қирғиз етакчи кучлари билан ҳамкорлик қилиб, Россиянинг Қантдаги авиобазасини чиқариб юбориш учун бир ҳаракат бошлаётган бўлиши ҳам мумкин. Лекин улар ҳар бир ҳаракат ва мақсадларини амалга ошираётганида, фақат мусулмонларни номидан ифлос ишлар уюштиришлари уларнинг одатларига айланиб қолди.
Ишонмаслигимиз керак! улар фақат бизлар уларнинг бу бўҳтонларига ишониб бўлганимиздан қаноат ҳосил қилиганларидан кейин иш бошлашади. Мажлислар, анжуманлар, матбуот ташвиқот ишлари, буларнинг ҳаммаси фақат бизларни шу бўҳтон ва иғво фикрларга ишонтириш учун олиб борилаяпти. Ишонганимиздан хотиржам бўлишганларидан кейин, улар бизларни портлата бошлашади. (Туркиядаги охирги қўпорув амалиётлари сингари) кейин яна бу ишларни ҳақиқатдан ҳам мусулмонлар қилганига ишонтириш мақсадида ташвиқот ишлари давом эттирилади. Унда кеч бўлади, ишонсак ҳам ёки “№50 сизо” воқеъаси сингари ишонмасак ҳам, ҳеч нарса ўзгармайди.
АҚШ, балки Атамбаевни Россия билан ўртаси ёмон бўлиб турганидан фойдаланиб, худди “ганси”ни Манас аеропортидан қувиганидек, Қантдаги Рус авиобазасини ҳам чиқариб юбормоқчидир. Лекин унинг бу мақсади биз мусулмонларни қурбон бериш ва бир биримизга қарши йўналтириш каби ифлос ишларни устимизда олиб бориш билан рўёбга чиқиши тўғри эмас.
